অসম সাহিত্য সভা অধিৱেশনৰ প্ৰস্তুতি সম্পৰ্কে বুজ ল'লে উপ সভাপতি মৃণালিনী দেৱীয়ে

অসম সাহিত্য সভাৰ অধিৱেশনলৈ মাজত মাথো কেইটামান দিন বাকী থকা অৱস্থাত অধিৱেশৰ প্ৰস্তুতি সম্পৰ্কে বুজ ল'লে অসম সাহিত্য সভাৰ উপ সভাপতি মৃণালিনী দেৱীয়ে ৷

শুৱালকুছি, 27 জানুৱাৰীঃ অসম সাহিত্য সভাৰ অধিৱেশনলৈ মাজত মাথো কেইটামান দিন ৷ সাজু শুৱালকুছিবাসী ! ব্ৰহ্মপুত্ৰৰ পাৰৰ সেউজ বালিচৰত দিনে নিশাই প্ৰস্তুতি তুংগত ৷ 'চিৰ চেনেহী মোৰ ভাষা জননী' গীতেৰে মুখৰিত শুৱালকুছি ৷ প্ৰতিদিনে চলিছে সমবেত সংগীতৰ আখৰা ৷ আজি সাহিত্য সভাৰ প্ৰস্তুতি সন্দৰ্ভত বুজ ল'লে অসম সাহিত্য সভাৰ উপ সভাপতি মৃণালিনী দেৱীয়ে ৷