আমিনগাঁও,10ফেব্ৰেুৱাৰী: আমিনগাঁও চেকগেটত বুধবাৰে সংঘটিত হয় এক পথ দুৰ্ঘটনা ৷ চাইন বোৰ্ডৰ পোষ্টত খুন্দিয়াই দ-খাৱৈত বাগৰি পৰে গাহৰি ভৰ্তি এখন ট্ৰাক । দুৰ্ঘটনাত পতিত হোৱা ট্ৰাকখনৰ নম্বৰ UP-78-CN-9491 । দুৰ্ঘটনাটোত এজন চাইকেল আৰোহী আহত হোৱাৰ লগতে কথমপি প্ৰাণ ৰক্ষা পৰে ট্ৰাকখনৰ চালক আৰু হেণ্ডিমেনৰ ৷
প্ৰাপ্ত খবৰ অনুসৰি, এগৰাকী চাইকেল আৰোহীক ৰক্ষা কৰিবলৈ গৈ দুৰ্ঘটনাত পতিত হয় ট্ৰাকখন । ৩১ নং ৰাষ্ট্ৰীয় ঘাইপথত সংঘটিত হয় এই পথ দুৰ্ঘটনাটো । শিলিগুৰীৰ পৰা নাগালেণ্ডলৈ গৈ আছিল গাহৰি ভৰ্তী ট্ৰাকখন । দুৰ্ঘটনাত আহত চাইকেল আৰোহী জনক প্ৰেৰণ কৰা হয় চিকিৎসালয়ত ৷ ইফালে, দুৰ্ঘটনা সংঘটিত হোৱাৰ পাচতে ঘটনাস্থলীত উপস্থিত হয় আমিনগাঁও যান-বাহন নিয়ন্ত্ৰণ শাখাৰ আৰক্ষী ৷ ইতিমধ্যে আৰক্ষীয়ে দুৰ্ঘটনাগ্ৰস্ত বাহনখন উদ্ধাৰৰ বাবে ব্যৱস্থা গ্ৰহণ কৰে ৷
অন্য এক খবৰৰ বাবে: কলগাছিয়াত পথ দুৰ্ঘটনা: আহত দুজন
