বকো,28 মাৰ্চ : কামৰূপ (গ্ৰাম্য) জিলাৰ বকোত দেওবাৰে দুৰ্ঘটনাত পতিত হৈ আহত হয় AIUDF দলৰ উপ সভাপতি আৱাল মজিদ । 17 নং ৰাষ্ট্ৰীয় ঘাইপথত সংঘটিত হয় এই শোকাৱহ পথ দুৰ্ঘটনাটো । গুৱাহাটীৰ পৰা গোৱালপাৰালৈ এখন AS-01-BB-5878 নম্বৰৰ বিলসী বাহনত গৈছিল উপ সভাপতি গৰাকী ৷
আৱাল মজিদ দুৰ্ঘটনাত পতিত
বকোত পিছফালৰ পৰা আহি থকা এখন AS-01-LC-6747 নম্বৰৰ গোৱালপাৰা অভিমুখী যাত্ৰীবাহী বাছে খুন্দা মাৰে আৱাল মজিদৰ বাহনত ৷ যাৰ ফলত মজিদৰ বাহনখনে নিয়ন্ত্ৰণ হেৰুৱাই পথৰ দাঁতিত থকা বৈদ্যুতিক খুঁটাত খুন্দা মাৰে ।
দুৰ্ঘটনাৰ পাচতে ঘটনাস্থলীত বকো আৰক্ষী উপস্থিত হৈ বাছখন কৰায়ত্ব কৰাৰ লগতে উপ-সভাপতি গৰাকীক বকো প্ৰাথমিক স্বাস্থ্য কেন্দ্ৰত ভৰ্তি কৰায় । বৰ্তমানলৈ উপ সভাপতি আৱাল মজিদ বকো প্ৰাথমিক স্বাস্থ্য কেন্দ্ৰত চিকিৎসাধীন হৈ থকা বুলি জানিব পৰা গৈছে ।
লগতে পঢ়ক : পুনৰ বিজেপিৰ সাতজন সদস্যক বহিস্কাৰ
