"সংলাপ কৈ কৈ ভাগৰি গৈছো"- যতীন বৰা

আগন্তুক 11 অক্টোবৰত মুক্তি লাভ কৰিব বিশিষ্ট অভিনেতা যতীন বৰা অভিনীত ছবি "ৰত্নাকৰ" ৷ প্ৰায় এমাহ পূৰ্বৰ পৰা অসমৰ ভিন্ন প্ৰান্তত ৰত্নাকৰ টীমে বহুলভাৱে চলাই আহিছে প্ৰচাৰ অভিযান ৷

কামৰূপ, 5 অক্টোবৰঃ "সংলাপ কৈ কৈ ভাগৰি গৈছো ৷ বৰষা আৰু নিশিতাও ভাগৰি পৰিছে ৷ যাৰ বাবে প্ৰচাৰ অভিযানত অলপ ব্যাঘাত হৈছে ৷"- শনিবাৰে দক্ষিণ কামৰূপৰ মিৰ্জাত উপস্থিত হৈ এই মন্তব্য অভিনেতা যতীন বৰাৰ ৷ তথাপি সাংবাদিকৰ অনুৰোধ ৰক্ষা কৰি ৰত্নাকৰৰ সংলাপ আওৰালে জনপ্ৰিয় অভিনেতা যতীন বৰাই ৷ উল্লেখ্য যে, আগন্তুক 11 অক্টোবৰত মুক্তি লাভ কৰিব বিশিষ্ট অভিনেতা যতীন বৰা অভিনীত ছবি "ৰত্নাকৰ" ৷ প্ৰায় এমাহ পূৰ্বৰ পৰা অসমৰ ভিন্ন প্ৰান্তত ৰত্নাকৰ টীমে বহুলভাৱে চলাই আহিছে প্ৰচাৰ অভিযান ৷ ছবিখনৰ প্ৰতি ৰাইজৰ সহাঁৰি দেখি পূজাৰ সময়তো মহানগৰীৰ বিভিন্ন পূজা মণ্ডপত প্ৰচাৰ চলাব বুলি মন্তব্য কৰে যতীন বৰাই ৷ মিৰ্জাৰ ৰয়েল পেলেচ নামৰ এখন হোটেলৰ শুভ উদ্বোধনী অনুষ্ঠানত উপস্থিত থাকি ৰত্নাকৰক লৈ আশাবাদী বুলি মন্তব্য কৰে যতীন বৰাই ৷ লগতে সমগ্ৰ অসমৰ ৰাইজক চলচিত্ৰখন উপভোগ কৰিবলৈ আহ্বান জনাই অভিনেতা গৰাকীয়ে ।