ৰঙিয়া, 11 জুন : 25 জুনত ঘোষণা কৰা হ'ব উচ্চতৰ মাধ্যমিক পৰীক্ষাৰ ফলাফল । আনহাতে 15 আগষ্টৰ পিছত বিদ্যালয়ৰ লগতে মহাবিদ্যালয়সমূহত পাঠদান আৰম্ভ হ'ব বুলিও আশা প্ৰকাশ কৰিছে চৰকাৰৰ শিক্ষা বিভাগে। সেয়ে ৰঙিয়া আঞ্চলিক ছাত্ৰসন্থাৰ সদস্যসকলে ৰঙিয়াৰ সমূহ চৰকাৰীৰ লগতে বেচৰকাৰী বিদ্যালয় আৰু মহাবিদ্যালয়সমূহ ছেনিটাইজ কৰাৰ প্ৰক্ৰিয়া আৰম্ভ কৰিছে ।
লগতে পঢ়কঃ কোভিড-১৯: ধেমাজিৰ জোনাইত পুনৰ আক্ৰান্ত ৫ যুৱক
শিক্ষানুষ্ঠানসমূহত নামভৰ্তিৰ লগতে কিতাপ দিয়াৰ প্ৰক্ৰিয়াৰ বাবে কৰ্মচাৰীসকলৰ লগতে ছাত্ৰ ছাত্ৰী তথা অভিভাৱকসকলৰ আগমণৰ পূৰ্বেই ছাত্ৰ সন্থাই ছেনিটাইজ কৰা কাৰ্যক আদৰণি জনাইছে সচেতন মহলে । উল্লেখযোগ্য যে ৰঙিয়াৰ বহুকেইখন বিদ্যালয়ত ইতিমধ্যে কিতাপ দিয়াৰ প্ৰক্ৰিয়া আৰম্ভ হৈছে। লগতে জুনিয়ৰ কলেজসমূহত কাৰ্যালয়ৰ কাম-কাজ চলি থকাৰ মাজতে নতুনকৈ নামভৰ্ত্তিৰ বাবে প্ৰ-পত্ৰ প্ৰদান কৰি থকা হৈছে।
