পুৱা 9 বজাৰ শীৰ্ষ 10টা বাতৰি

পুৱা 9 বজাৰ শীৰ্ষ 10টা বাতৰি

হিমালয়ত দিনক দিনে বাঢ়ি অহা মানৱীয় হস্তক্ষেপৰ ফলতে প্ৰলয়ৰ সৃষ্টি হৈছে ৷ এই মন্তব্য ৱাডিয়া ইনষ্টিটিউট অফ হিমালয়ান জিঅ'লজীৰ পৰিচালক কালাচান্দ চাইৰ ৷ উত্তৰাখণ্ডত সংঘটিত জলপ্ৰলয়ৰ পাছতে এই মন্তব্য কালাচান্দ চাইৰ ৷ উত্তৰাখণ্ডৰ চাম'লি জিলাৰ যোশীমঠত হিমবাহ বিস্ফোৰণৰ ফলত ধৌলি গংগা নদীত বিধ্বংসী বানপানী ৷

দেওবাৰে দৰঙৰ দলগাঁৱত এআইইউডিএফ সভাত এআইইউডিএফ প্ৰধান বদৰুদ্দিন আজমলে দিলে কংগ্ৰেছ বিধায়ক ইলিয়াছ আলি মুৰ্দাবাদ ধ্বনি ৷ বিগত 15 বছৰে কংগ্ৰেছ দলৰ বিধায়ক ইলিয়াছ আলি দখলত থকা দলগাওঁ সমষ্টিটোত আগন্তুক নিৰ্বাচনত এআইইউডিএফৰ প্ৰাৰ্থী প্ৰক্ষেপৰ দাবী এআইইউডিএফৰ ৷

হাফলঙৰ পৰা প্ৰায় 25 কিলোমিটাৰ দূৰত থকা উত্তৰ কাছাৰ পাৰ্বত্য স্বায়ত্ব শাসিত পৰিষদৰ দিহামলাই সমষ্টিৰ ইডিংলো গাঁৱত 70 বছৰ ধৰি নাছিলে কোনো যাতায়াতৰ ব্যৱস্থা ৷ দেওবাৰে গাঁওখনত MSC ৰ বিশেষ পেকেজৰ ধনেৰে শুভাৰম্ভণি কৰা হয় এটি কেঁচা পথৰ ৷

লাইকা-দধিয়াবাসীক সংস্থাপন দিয়াৰ বাবে শেহতীয়াকৈ চৰকাৰে লোৱা সিদ্ধান্তৰ তীব্ৰ বিৰোধিতা কৰিছে স্থানীয় বাসিন্দাসকলে । দেওবাৰে চৰকাৰৰ এই সিদ্ধান্তৰ বিৰুদ্ধে জাগুনৰ নামফাই আৰু পাহাৰপুৰ অঞ্চলৰ ১১৫নং ৰাষ্ট্ৰীয় ঘাইপথ অৱৰোধ কৰে লাইকা-দধিয়াবাসী ৰাইজে ৷

কাছাৰ জিলাৰ বৰখলা নিৰ্বাচন চক্ৰৰ ৰাজা গোবিন্দ মেম'ৰিয়াল হাইস্কুল মাঠ প্ৰাংগনত বিজেপি দলৰ এখন সভা অনুষ্ঠিত হৈ যায় দেওবাৰে ৷ সভাত দলটোৰ বহু নেতা উপস্থিত থাকে ৷ নিৰ্বাচনৰ প্ৰাকমূহুৰ্তত নিৰ্বাচনী প্ৰচাৰ চলোৱাৰ উদ্দেশ্যৰেই এই সভাৰ আয়োজন কৰা হয় ৷

কংগ্ৰেছ দল ত্যাগ কৰি 300 ৰো অধিক লোকৰ বিজেপিত যোগদান ৷ মাৰ্ঘেৰিটাত অনুষ্ঠিত বিজেপিৰ পৃষ্ঠ প্ৰমুখ সন্মিলনত বিজেপিত যোগদান কৰে কংগ্ৰেছ কৰ্মী সকলে ৷ দেওবাৰে 124 নং মাৰ্ঘেৰিটা বিধানসভা সমষ্টিত অনুষ্ঠিত হৈছিল বিজেপিৰ বৰ্ধিত পৃষ্ঠ প্ৰমুখ সন্মিলন ৷

নগাঁও চহৰৰ ধিং গেটত দেওবাৰে পুনৰ সংঘটিত হয় এক ভয়ংকৰ পথ দুৰ্ঘটনা । ধিং গেটৰ উৰণীয়া সেতুৰ ওপৰত সংঘটিত হয় এই পথ দুৰ্ঘটনা ৷ দুৰ্ঘটনাত এজন স্কুটি আৰোহী থিতাতে নিহত হোৱাৰ লগতে এগৰাকী কণমাণি ছোৱালীৰ কথমপি প্ৰাণ ৰক্ষা পৰে ৷

দেওবাৰে 'ৰিভাৰ কাইট ফেষ্টিভেল'ৰ অন্তিম দিন ৷ 5 ফেব্ৰুৱাৰীৰ পৰা অনুষ্ঠিত হৈছিল এই ফেষ্টিভেল ৷ ৰাইজক সজাগ কৰাৰ উদ্দেশ্যে আয়োজন কৰা হৈছিল এই উৎসৱৰ ৷

বিজেপিৰ তিনি প্ৰাক্তন সাংসদে এতিয়া চিন্তা বঢ়াইছে দলীয় নেতৃত্বৰ । কিয়নো তেওঁলোকক লাগে দলীয় টিকট । নিজৰ বাবে নহ'লেও সন্তানৰ বাবে হ'লেও লাগে দলীয় প্ৰাৰ্থিত্ব । ইতিমধ্যে, এই "আবদাৰ" বিজেপিৰ কেইগৰাকীমান ৰাষ্ট্ৰীয় নেতাৰ ওচৰতো ৰাখিছে তিনি প্ৰাক্তন সাংসদে ।

চলিত বৰ্ষত মুকলি হ'ব বিশ্বৰ ভিতৰতেই সৰ্ববৃহৎ লিংগাকাৰ মহামৃত্যুঞ্জয় মন্দিৰ । উপস্থিত থাকিব প্ৰধানমন্ত্ৰী নৰেন্দ্ৰ মোদী আৰু উত্তৰ প্ৰদেশৰ মুখ্যমন্ত্ৰী যোগী আদিত্যনাথ ৷