1 বজাৰ দহটা গুৰুত্বপূৰ্ণ খবৰ

1 বজাৰ দহটা গুৰুত্বপূৰ্ণ খবৰ

দিল্লী এৰি পুনৰ দিছপুৰলৈ অহাৰ মন তপন কুমাৰ গগৈ আৰু পল্লৱলোচন দাসৰ। সোণাৰি আৰু ৰঙাপাৰাৰ পৰা নিৰ্বাচনত প্ৰতিদ্বন্দিতা কৰাৰ মন মেলিছে পল্লৱলোচন দাস আৰু তপন কুমাৰ গগৈয়ে ।

“আমি ভাৰতীয় জনগণে” সংবিধানৰ জৰিয়তে আমাক নিজকে শান্তিপূৰ্ণ প্ৰতিবাদৰ বাবে অধিকাৰ দিছো বুলি আমোলাতন্ত্ৰ অৱগত নাছিল নে কি ? যি সময়ত কৃষকসকলে আইন কেইখন প্ৰত্যাখ্যান কৰিছে,সেই একে সময়তে এই আইন কেইখনে তেওঁলোকৰ হিত সাধন কৰিব বুলি চৰকাৰে অসাধাৰণ দাবী জনাইছে ৷ লগতে এই আইন কেইখন ডেৰ বছৰৰ বাবে স্থগিত ৰাখিবলৈও প্ৰস্তাৱ আগবঢ়াইছে ৷

গুৱাহাটী মহানগৰীৰ চিটি চেন্ট্ৰেল ম'লত বৈদ্যুতিক শ্বৰ্ট চাৰ্কিটৰ ফলত সংঘটিত হৈছে ভয়ংকৰ অগ্নিকাণ্ডৰ ঘটনা ৷ বৰ্তমানলৈকে নিৰ্বাপন হোৱা নাই এই জুই ৷ অগ্নিনিৰ্বাপক বাহিনীয়ে জুই নিৰ্বাপনৰ চেষ্টা অব্যাহত ৰাখিছে ৷

উত্তৰাখণ্ডৰ জলপ্ৰলয়ত বিস্তৰ ক্ষতিসাধন ৷ বিধ্বংসী জলপ্ৰলয়ে উটুৱাই নিলে জলবিদ্যুৎ কেন্দ্ৰৰ লগতে শক্তি প্ৰকল্পত কাম কৰা শতাধিক শ্ৰমিকক ৷ বানে উটুৱাই নিয়া সাত জন লোকৰ শৰীৰ উদ্ধাৰ ৷ এতিয়াও সন্ধানহীন 170 গৰাকী লোক ৷ বানত এনটিপিচিৰ দুটাকৈ শক্তি প্ৰকল্পৰ বিস্তৰ ক্ষতি ৷ উদ্ধাৰ অভিযানৰ বাবে এনডিআৰএফৰ চাৰিটা দল ডেৰডুনলৈ প্ৰেৰণ ৷

কেন্সাৰত আক্ৰন্ত হৈ জীৱন জীনাৰ মাত্ৰ 50 শতাংশ সুযোগ থকাৰ পাছতো মাৰাত্মক ৰোগবিধক প্ৰতিহত কৰাত সফল বলিউদৰ চুপাৰষ্টাৰ সঞ্জয় দত্ত ৷ বিশ্ব কেন্সাৰ দিৱসত অভিনেতা গৰাকীয়ে ব্যক্ত কৰিলে কেন্সাৰৰ বিৰুদ্ধে যুঁজখনত তেওঁৰ অভিজ্ঞতা ৷ মনৰ শক্তি আৰু জীৱনৰ প্ৰতি থকা ইতিবাচক ধাৰণাই কেন্সাৰক প্ৰতিহত কৰাত তেওঁক সহায় কৰা বুলি মন্তব্য অভিনেতা গৰাকীৰ ৷

হিমালয়ত দিনক দিনে বাঢ়ি অহা মানৱীয় হস্তক্ষেপৰ ফলতে প্ৰলয়ৰ সৃষ্টি হৈছে ৷ এই মন্তব্য ৱাডিয়া ইনষ্টিটিউট অফ হিমালয়ান জিঅ'লজীৰ পৰিচালক কালাচান্দ চাইৰ ৷ উত্তৰাখণ্ডত সংঘটিত জলপ্ৰলয়ৰ পাছতে এই মন্তব্য কালাচান্দ চাইৰ ৷ উত্তৰাখণ্ডৰ চাম'লি জিলাৰ যোশীমঠত হিমবাহ বিস্ফোৰণৰ ফলত ধৌলি গংগা নদীত বিধ্বংসী বানপানী ৷ বানপানীত উটি গ'ল এটা শক্তি প্ৰকল্পত কৰ্মৰত প্ৰায় 150 শ্ৰমিক ৷

ভাৰতীয় সেনাই অৰুণাচল প্ৰদেশৰ পশ্চিম কামেঙৰ চিলিপাম মঠত সংঘটিত হোৱা বনজুই নিয়ন্ত্ৰণ কৰাত বন কৰ্তৃপক্ষক সহায় কৰিছিল । সেনাই প্ৰকাশ কৰা অনুসৰি,সেনা আৰু বন কৰ্তৃপক্ষৰ প্ৰচেষ্টা আৰু দ্ৰুত সঁহাৰিত এই বনজুই ৰোধ কৰিব পৰা গৈছিল ৷

চীনত উৎপাদিত ক'ভিড প্ৰতিষেধক গ্ৰহণ কৰাৰ বাবে নেপালক হেঁচা প্ৰয়োগ কৰিছে দেশখনে ৷ বেইজিঙে চীনত উৎপাদিত চিন'ভাক নামৰ প্ৰতিষেধকবিধ প্ৰয়োগ কৰাৰ বাবে নেপালক হেঁচা প্ৰয়োগ কৰাৰ অভিযোগ ৷ নেপালৰ বৈদেশিক পৰিক্ৰমা মন্ত্ৰণালয় আৰু কাঠমাণ্ডুৰ চীনা দূতাবাসৰ মাজৰ হোৱা গোপন নথি পত্ৰৰ ভিত্তিত উত্থাপিত হৈছে এই অভিযোগ ৷

নয়দাৰ 'জেকচন' নামৰ এটা ব্যক্তিগত কোম্পানীৰ হাতত বিক্ৰী হ'ল আমগুৰি সৌৰশক্তি প্ৰকল্প ৷ সৌৰশক্তি প্ৰকল্পটো ব্যক্তিগত কোম্পানীৰ হাতত বিক্ৰী হোৱাক কেন্দ্ৰ কৰি সমগ্ৰ আমগুৰি অঞ্চলত সৃষ্টি হৈছে এতিয়া প্ৰতিক্ৰিয়া ৷

হাফলঙৰ পৰা প্ৰায় 25 কিলোমিটাৰ দূৰত থকা উত্তৰ কাছাৰ পাৰ্বত্য স্বায়ত্ব শাসিত পৰিষদৰ দিহামলাই সমষ্টিৰ ইডিংলো গাঁৱত 70 বছৰ ধৰি নাছিলে কোনো যাতায়াতৰ ব্যৱস্থা ৷ দেওবাৰে গাঁওখনত MSC ৰ বিশেষ পেকেজৰ ধনেৰে শুভাৰম্ভণি কৰা হয় এটি কেঁচা পথৰ ৷