গুৱাহাটী, ৩ ফেব্ৰুৱাৰী: অভিনেত্ৰী নিশিতা গোস্বামীক শনিবাৰে এক সাংস্কৃতিক অনুষ্ঠানত জনপ্ৰিয় শিল্পী জুবিন গাৰ্গে ৰাজহুৱাকৈ অশালীন মন্তব্য কৰা বুলি অভিযোগ তুলি জুবিন গাৰ্গৰ বিৰুদ্ধে মহিলা আয়োগে দাখিল কৰে এক অভিযোগ । জুবিনৰ এই মন্তব্যক লৈ মহানগৰ আৰক্ষী অধীক্ষকক ASCW/SM/০৩/২০২১ নম্বৰত এক অভিযোগ দাখিল কৰিছে ৰাজ্যিক মহিলা আয়োগে । লগতে শিল্পীগৰাকীৰ বিৰুদ্ধে এই অভিযোগৰ তদন্ত কৰিব বুলি জানিবলৈ দিয়ে মহানগৰ আৰক্ষীয়ে ।
উল্লেখ্য যে, সাংস্কৃতিক মঞ্চত জুবিনৰ ৩০ ছেকেণ্ডৰ এটা ভিডিঅ' ছ’চিয়েল মিডিয়াত ভাইৰেল হৈ পৰিছিল । ভিডিঅ'টোত জুবিন গাৰ্গে তেওঁৰ ছবি "মন যায়"ৰ সহ-অভিনেত্ৰী হিচাপে অভিনয় কৰা নিশিতা গোস্বামীৰ চৰিত্ৰটিৰ সন্দৰ্ভত বিতৰ্কিতভাৱে মন্তব্য কৰিছিল । বিভিন্নজনে জুবিনৰ এই আচৰণক লৈ কটু সমালোচনাও কৰিছে । অৱশ্যে, ঘটনা সন্দৰ্ভত নিশিতা গোস্বামীয়েও ফেচবুকত প্ৰতিক্ৰিয়া প্ৰকাশ কৰাৰ লগতে কোনোধৰণৰ অভিযোগ উত্থাপন কৰা নাই এইমূহূৰ্তলৈ ।
লগতে পঢ়ক: কাছাৰ জিলাৰ গুমড়াত বৃহৎ পৰিমাণৰ বিষ্ফোৰক সামগ্ৰী জব্দ
