গুৱাহাটী, 16 জুনঃ ৰাজ্যৰ আইন শৃংখলাজনিত কেতবোৰ সমস্যাৰ বিষয়ে আলোচনা কৰাৰ উদ্দেশ্যে গুৱাহাটীৰ ষ্টাফ কলেজত ইউনিফাইড কমাণ্ড ষ্টাকচাৰৰ অধীনত এক গুৰুত্বপূৰ্ণ বৈঠক অনুষ্ঠিত হয় । মঙলবাৰে পুৱা ১১ বজাৰ পৰা অসম চৰকাৰৰ মুখ্য সচিব কুমাৰ সঞ্জয় কৃষ্ণৰ অধ্যক্ষতাত এই বৈঠক অনুষ্ঠিত হয় ৷
ইউনিফাইড কমাণ্ডৰ বৈঠকখনত সেনাৰ চৰ্তুথ ক'ৰৰ জিঅ'চি,চি আৰ পি এফৰ মহাপৰিদৰ্শক,বি এছ এফৰ মহাপৰিদৰ্শক,এছ এছ বিৰ মহাপৰিদৰ্শক,এছ আই বিৰ উপ-সঞ্চালক, অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত,আইন-শৃংখলাৰ অতিৰিক্ত আৰক্ষী সঞ্চালক প্ৰধান জ্ঞানেন্দ্ৰ প্ৰতাপ সিং, অসম আৰক্ষীৰ বিশেষ শাখাৰ মহাপৰিদৰ্শক হীৰেন নাথ আৰু ৰাজ্যৰ গৃহ বিভাগৰ অতিৰিক্ত মুখ্য সচিবও অংশগ্ৰহণ কৰে ।
দীৰ্ঘসময়ৰ অন্তত অনুষ্ঠিত হোৱাইউনিফাইড কমাণ্ড ষ্টাকচাৰৰ অধীনৰ বৈঠকখনত বিদ্ৰোহী সংগঠন সমূহৰ গতিবিধিৰ লগত ৰাজ্যৰ নিৰাপত্তাজনিত বিষয়ৰ ওপৰতো আলোচনা কৰা হয় ৷
লগতে চাওকঃ দেশত ৩ লাখলৈ বৃদ্ধি পাইছে কোভিড-১৯ৰ নমুনা পৰীক্ষাৰ ক্ষমতাঃ স্বাস্থ্য মন্ত্ৰণালয়
