যোৰাবাটত পথ দুৰ্ঘটনা, নিহত দুই স্কুটী আৰোহী

নিহত স্কুটী আৰোহী দুগৰাকীৰ এগৰাকী হাটীগাঁওৰ কৰীম আলী ওৰফে মুঞ্চি আলী বুলি যোৰাবাট যান-বাহন আৰক্ষীয়ে চিনাক্ত কৰিছে যদিও অন্য এগৰাকী মৃতকক বৰ্তমানেও চিনাক্ত কৰিব পৰা নাই।

গুৱাহাটী,24নৱেম্বৰঃ দেওবাৰে সন্ধিয়া প্ৰায় 7:20 বজাত গুৱাহাটী মহানগৰীৰ উপকন্ঠৰ যোৰাবাটত পথ দুৰ্ঘটনা ৷ যোৰাবাট আঠমাইলত খানাপাৰা দিশৰ পৰা যোৰাবাট অভিমুখে গৈ থকা দুখন বাহন, AS 18 C 1339 ট্ৰাক আৰু AS 01DP 9906 স্কুটীৰ মাজত হোৱা দুৰ্ঘটনাত থিতাতে নিহত হয় দুই স্কুটী আৰোহী। নিহত স্কুটী আৰোহী দুগৰাকীৰ এগৰাকী হাটীগাঁওৰ কৰীম আলী ওৰফে মুঞ্চি আলী বুলি যোৰাবাট যান-বাহন আৰক্ষীয়ে চিনাক্ত কৰিছে যদিও অন্য এগৰাকী মৃতকক বৰ্তমানেও চিনাক্ত কৰিব পৰা নাই। দুৰ্ঘটনা সংঘটিত কৰা ট্ৰাকখন জব্দ কৰি যোৰাবাট যান-বাহন আৰক্ষীয়ে তদন্ত আৰম্ভ কৰিছে ।