গুৱাহাটী, ১৮ মে': মহামাৰী কৰ'ণাৰ বিৰুদ্ধে সমুখৰ পৰা যুঁজ দি অহা প্ৰতিগৰাকী "সৈনিক"লৈ শ্ৰদ্ধা জনোৱাৰ উদ্দেশ্যে অসম অলিম্পিক সন্থাই প্ৰস্তুত কৰি উলিওৱা এটা বিশেষ ভিডিঅ' আজি মুকলি কৰে মুখ্যমন্ত্ৰী সৰ্বানন্দ সোণোৱালে । অসম অলিম্পিক সন্থাৰ প্ৰচাৰ কোষৰ সভাপতি ৰাজীৱ প্ৰকাশ বৰুৱাৰ পৰিকল্পনা আৰু বিষয়বস্তুৰে নিৰ্মাণ কৰা এই ভিডিঅ'টোত অভিনয় কৰিছে হিমা দাস, অংকুশিতা বড়ো, লাভলিনা বৰগোহাঁই, শিবাংগী শৰ্মাকে ধৰি ভালেকেইগৰাকী ক্ৰীড়াবিদে ।
কন্ঠশিল্পী সংগীতা কাকতি, অনিৰ্বাণ দাস আৰু অনুস্কা বৰুৱাই কন্ঠদান কৰা এই ভিডিঅ'টো সোমবাৰে মুকলি কৰি মুখ্যমন্ত্ৰীয়ে কয় যে, ই কেৱল কৰ'ণা যোদ্ধালৈ সন্মানেই নহয়, ই খেলুৱৈ সকলৰো মনোবল বৃদ্ধি কৰিব । ভিডিঅ'টো প্ৰস্তুত কৰাৰ বাবে তেওঁ অসম অলিম্পিক সন্থাৰ সাধাৰণ সম্পাদক লক্ষ্য কোঁৱৰক বিশেষ ভাবে ধন্যবাদ জনায় ।
