গুৱাহাটী, 30 জুন : দ্বৈত ৰে’ল লাইন নিৰ্মাণৰ বাবে বাতিল কৰা হৈছে বহুকেইখন ৰে’ল ৷ গুৱাহাটী-মৰিয়নী ইন্টাৰচিটি এক্সপ্ৰেছ 3 জুলাইৰ পৰা 9 জুলাইলৈ, নাগালেণ্ড এক্সপ্ৰেছ 7 ৰ পৰা 8 জুলাইলৈ, বিজি এক্সপ্ৰেছ 7 ৰ পৰা 9 জুলাইলৈ বাতিল কৰা হৈছে । মুঠ 16 খনকৈ ৰে’ল বাতিল কৰাৰ সিদ্ধান্ত লৈছে উত্তৰ-পূৱ সীমান্ত ৰে’লৱেয়ে ।
দ্বৈত ৰেল লাইন নিৰ্মাণৰ বাবে বহুকেইখন ৰেল বাতিল
ইফালে, পহিলা জুলাইৰ পৰা সলনি হ'ব উত্তৰ-পূৱ সীমান্ত ৰে’লৱেৰ সময়সূচী । প্ৰতিবছৰৰ নিয়ম অনুসৰি 5-30 মিনিট পৰ্যন্ত সময়সীমা সাল-সলনি কৰাৰ সিদ্ধান্ত গ্ৰহণ কৰিছে উত্তৰ পূৱ সীমান্ত ৰে’লৱেয়ে । দূৰণিবতীয়া লগতে সাধাৰণ ৰে’লকে ধৰি মুঠ 67 খন ৰে’লৰ সময়সূচী সলনি কৰা হৈছে । ইফালে, দ্বৈত ৰে’ল লাইন নিৰ্মাণ কৰি থকা বাবে বহুকেইখন ৰে’ল বাতিল কৰাৰ কথাও জনাই উত্তৰ-পূৱ সীমান্ত ৰে’লৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই ।
