আমিনগাঁৱত অক্সিজেন পৰিবাহী ৰে’ল উপস্থিত: মুখ্যমন্ত্ৰীয়ে জনালে অভিবাদন
ৰাজ্যবাসীলৈ এক সুখবৰ ৷ কৰ’ণা মহামাৰী ৰুধিবলৈ বিহাৰৰ জামছেদপুৰৰ পৰা প্ৰায় 80 মেট্ৰিকটন অক্সিজেন লৈ অহা এখন বিশেষ ৰে’ল পালেহি আমিনগাঁও । দেওবাৰে মুখ্যমন্ত্ৰী ডঃ হিমন্ত বিশ্ব শৰ্মাই আমিনগাঁৱত আইচিডিটিত উপস্থিত হৈ অক্সিজেন পৰিবাহী ৰে’লখনক আদৰণি জনায় ৷
ধনশিৰিত সেনা-আৰক্ষীৰে হোৱা সংঘৰ্ষত নিহত 6 ডিএনএলএ সদস্য
অসম-নাগালেণ্ড সীমান্তৰ ধনশিৰিত সন্দেহযুক্ত ডিএনএলএ উগ্ৰপন্থীৰ সৈতে সেনা-আৰক্ষীৰ মুখামুখি সংঘৰ্ষ ৷ আৰক্ষীৰ সূত্ৰ অনুসৰি দেওবাৰে পুৱতি নিশা সংঘটিত উক্ত সংঘৰ্ষত ৬ জনকৈ সন্দেহযুক্ত ডিএনএলএ কেডাৰ নিহত হয় ৷ প্ৰাপ্ত তথ্য অনুসৰি, কাৰ্বি আংলং জিলাৰ অতিৰিক্ত আৰক্ষী অধীক্ষক প্ৰকাশ সোণোৱালৰ নেতৃত্বত অসম ৰাইফলছৰ জোৱান আৰু আৰক্ষীৰ এটা দলে চলাইছিল এক অভিযান ৷ ধনশিৰিৰ মিচিবাইলুঙত সংঘটিত হোৱা এই অভিযানত অভিযানকাৰী দলটো সন্মুখীন হৈছিল সন্দেহযুক্ত ডিএনএলএ উগ্ৰপন্থীৰ ৷ ফলত উক্ত স্থানতে চলিছিল দুয়োটা দলৰ মুখামুখি সংঘৰ্ষ ৷
দৰং জিলাৰ মঙলদৈৰ চৰ অঞ্চলত আৰক্ষীৰ এক বৃহৎ অভিযান । আৰক্ষীৰ অভিযানত জব্দ ৫ টা হস্তনিৰ্মিত ৰাইফল, ৮ যোৰ ভাৰতীয় সেনাৰ পোছাক আৰু এযোৰ আৰক্ষীৰ পোছাক । লগতে দৰং আৰক্ষীয়ে দুটা দুধৰ্ষ ডকাইতক আটক কৰে । দুয়োজন ক্ৰমে ধূলা থানাৰ অন্তৰ্গত ধনশ্ৰীকাষ গাঁৱৰ হাৰুনুল ৰচিদ আৰু বান্দিয়া গাঁৱৰ চহৰ আলী ।
য়াছৰ বাবে অসমৰ ১২ খনকৈ ৰে’লৰ চলাচল বাতিল
সাগৰীয় ঘূৰ্ণী য়াছৰ কবলত পৰিব অসম তথা উত্তৰ পূৰ্বাঞ্চল ৷ এই কথা সদৰী কৰিছে ভাৰতীয় বতৰ বিজ্ঞান বিভাগে ৷ নিৰাপত্তাৰ দিশৰ পৰা চালি-জাৰি চাই ইতিমধ্যে সষ্টম হৈ পৰিছে উত্তৰ-পূৱ সীমান্ত ৰে’লৱে ৷ সেই অনুসৰি, অসম তথা উত্তৰ পূৰ্বাঞ্চলৰ পৰা দক্ষিণ ভাৰতৰ বিভিন্ন প্ৰান্তলৈ যাবলগীয়া 6 খন ৰে’লৰ লগতে দক্ষিণ ভাৰতৰ ভিন্ন প্ৰান্তৰ পৰা অসমলৈ আহিবলগীয়া 6 খন ৰে’লকে ধৰি মুঠ ১২ খন ৰে’লৰ যাত্ৰা বাতিল কৰিছে উত্তৰ-পূৱ সীমান্ত ৰে’লৱে-এ ৷
বজাৰ নাই : খেতিতে গেলিছে বিঘাই বিঘাই তৰমুজ
সমগ্ৰ বিশ্বতে ত্ৰাস চলোৱা মহামাৰী কৰ'ণাই অন্ধকাৰ নমাই আনিছে ৰাজ্যৰ কৃষকৰ জীৱনলৈ ৷ ক’ভিডৰ বৰ্ধিত সংক্ৰমণৰ প্ৰতি লক্ষ্য ৰাখি ৰাজ্য চৰকাৰে নতুন নিৰ্দেশনা জাৰি কৰা পাচতেই এক প্ৰকাৰ স্তব্ধ হৈ পৰিছে জন জীৱন ৷ যাৰ ফলত নিতৌ সলনি হৈছে ৰাজ্যৰ দৃশ্যপট ৷ লকডাউন, অৰ্ধ লকডাউন, সান্ধ্য আইনৰ দৰে কঠোৰ নিৰ্দেশনাৰ মাজতে কৃষকৰ জীৱনলৈ নামি আহিছে অশনি সংকেট ৷ পথাৰতেই নষ্ট হৈছে কৃষকসকলে অতি কষ্টেৰে কৰা ৰবি শস্যসমূহ ৷
ক'ভিডক ভেটা দিবলৈ ভেকচিনৰ নাটনি
অসমত 16 জানুৱাৰীৰ পৰা এতিয়ালৈকে বিগত 126 দিনত মুঠ 37,13,743 গৰাকী লোকক ক'ভিড প্ৰতিষেধক দিয়া হৈছে । অসমক অধিক গুৰুত্ব দিয়াৰ কথা কোৱা কেন্দ্ৰৰ বিজেপি চৰকাৰে অসমলৈ এতিয়ালৈকে মাত্ৰ 21,56,176 পালি প্ৰতিষেধক প্ৰেৰণ কৰিছে আৰু অসম চৰকাৰে ক্ৰয় কৰিছে 7,69,027 পালি । এনেদৰে লেহেম গতিত চলিলে বহু বছৰ লাগিব ৰাজ্যবাসীক প্ৰতিষেধক দিবলৈ ।
শিলঘাটত চপৰা চপৰে খহিছে লুইতৰ গৰা
কলিয়াবৰত অব্যাহত আছে লুইতৰ কালৰূপ ৷ লুইতৰ গৰা খহনীয়াৰ কৱলত পৰিছে কলিয়াবৰ শিলঘাটৰ লুইতপৰীয়া অঞ্চল ৷ বিগত প্ৰায় দহ বছৰ ধৰি শিলঘাটৰ ৰবৰ-বাৰি অঞ্চলত চপৰা-চপৰে খহি আহিছে লুইতৰ পাৰ ৷ যাৰ ফলত শংকিত হৈ পৰিছে ৰবৰ-বাৰীৰ বিস্তৃৰ্ণ অঞ্চলৰ হাজাৰ পৰিয়াল ৷ ইতিমধ্যে লুইতৰ বুকুত জাহ গৈছে অঞ্চলটোৰ হাজাৰ হাজাৰ কৃষিভূমি ৷ যাৰ ফলত একপ্ৰকাৰ গৃহহাৰা হৈছে বহু পৰিয়াল ৷
যুৱকক চৰ মাৰি অৱশেষত ক্ষমা বিচাৰিলে উপায়ুক্তই
ছট্টিশড়ৰ সুৰজপুৰৰ জিলা উপায়ুক্তৰ এটা ভিডিঅ' শেহতীয়াকৈ সামাজিক মাধ্যমত ভাইৰেল হৈ পৰিছে । শনিবাৰে লকডাউনৰ সময়চোৱাত উপায়ুক্ত গৰাকীয়ে ক'ভিড বিধি পালন নকৰা এজন লোকক চৰিয়াইছিল আৰু তেওঁৰ ফোনটো মাটিত পৰি গৈছিল । ভিডিঅ'টো ভাইৰেল হৈ পৰাৰ লগে লগে বিভিন্ন জনে সমালোচনা কৰা দেখা গৈছে । ইয়াৰ পিছতে সামাজিক মাধ্যমত ৰাজহুৱা ক্ষমা বিচাৰিলে সুৰজপুৰ জিলাৰ উপায়ুক্ত ৰণবীৰ শৰ্মাই ।
দেশত পূৰ্বতকৈ হ্ৰাস পাইছে কৰ'ণাত মৃ্ত্যু হোৱা লোকৰ সংখ্যা
ভাৰতত কৰ'ণাৰ দৈনিক আক্ৰান্তৰ হাৰ ক্ৰমান্বয়ে বৃদ্ধি পাই আহিছে যদিও কিছুদিনৰ পৰা নিহতৰ সংখ্যা হ্ৰাস পাইছে । বিগত ২৪ ঘণ্টাত দেশত ৩,৭৪১ গৰাকী লোক কৰ'ণাত আক্ৰান্ত হৈ মৃ্ত্যুমুখত পৰিছে । পূৰ্বৰ তুলনাত কিছু পৰিমাণে হ্ৰাস পোৱা পৰিলক্ষিত হৈছে । বিগত সময়চোৱাত দৈনিক নিহতৰ সংখ্যাই চাৰি হেজাৰৰ ঘৰ অতিক্ৰম কৰে । কিন্তু যোৱা কিছুদিনৰ পৰা নিহতৰ সংখ্যা চাৰি হেজাৰতকৈ কম হোৱা দেখা গৈছে ।
ক’ভিডৰ দ্বিতীয় ঢৌত অধিক আক্ৰান্ত হৈছে নৱ প্ৰজন্ম
ক’ভিড 19 ৰ শেহতীয়া পৰিস্থিতিৰ প্ৰতি লক্ষ্য ৰাখি দেখা গৈছে যে, 30-39 আৰু 40-49 বছৰ বয়সৰ লোকৰ মৃত্যুৰ সংখ্যা বৃদ্ধি আৰু 60 বছৰৰ ঊৰ্ধৰ লোকৰ মৃত্যুৰ সংখ্যা হ্ৰাস হৈছে ৷ ইয়াৰ দ্বাৰা এইটোৱে প্ৰতীয়মান হৈছে যে, ক’ভিড 19 ৰ দ্বিতীয় ঢৌৱে প্ৰাপ্তবয়স্ক লোকক সংক্ৰমণ কৰাতকৈ নৱ প্ৰজন্মক বেছি সংক্ৰমিত কৰিছে ৷
