1. অসম জাতীয় পৰিষদৰ তৃতীয়খন প্ৰাৰ্থী তালিকা প্ৰকাশ
নিৰ্বাচনৰ চমু চাপি অহাৰ প্ৰাকক্ষণতে বৃহস্পতিবাৰে ঘোষণা কৰা হ'ল অসম জাতীয় পৰিষদৰ তৃতীয়খন প্ৰাৰ্থী তালিকা ৷ অসম গণ পৰিষদৰ দুৰ্গ হিচাপে পৰিগণিত পশ্চিম গুৱাহাটী সমষ্টিত অসম জাতীয় পৰিষদৰ হৈ প্ৰতিদ্বন্দ্বিতা আগবঢ়াব ৰুণা লাইলাই ।
2. হোজাইবাসীক CVIGIL এপ ব্যৱহাৰৰ আহবান প্ৰশাসনৰ
ভাৰতৰ নির্বাচন আয়ােগে আৰম্ভ কৰা CVIGIL এপ ব্যৱহাৰ কৰিবলৈ ৰাইজক আহ্বান জনাই হােজাই জিলা প্রশাসনৰ । এপৰ জৰিয়তে নিৰ্বাচনী আচৰণ বিধি ৰক্ষা কৰাত ৰাইজৰ সহযোগিতা কামনা কৰে জিলা প্ৰশাসনে ।
3. বাইকত তেল নাই, সমৰ্থকে ভাঙিলে শুকুৰ আলী আহমেদৰ বাহন !
চেঙা সমষ্টিৰ কংগ্ৰেছ প্ৰাৰ্থী শুকুৰ আলী আহমেদৰ ৰেলীত বৃহস্পতিবাৰে এক ভয়ংকৰ পৰিস্থিতি সৃষ্টি ৷ দলীয় সমৰ্থকে ভাঙি লণ্ড-ভণ্ড কৰে শুকুৰ আলী আহমেদৰ বাহন ৷
4. বিজেপিৰ পৰা কোনেও কাঢ়ি নিব নোৱাৰে সৰভোগ: ৰণজিৎ কুমাৰ দাস
বৰপেটাত বিজেপিৰ প্ৰাৰ্থী শংকৰ চন্দ্ৰ দাসৰ মনোনয়ন দাখিল ৷ সৰভোগ সমষ্টিৰ হৈ বিজেপিৰ পৰা প্ৰাৰ্থিত্ব আগবঢ়াইছে শংকৰ চন্দ্ৰ দাসে ৷ বিজেপিৰ ৰাজ্যিক সভাপতি ৰণজিৎ কুমাৰ দাস আৰু বৰপেটাৰ অগপ বিধায়কক সংগী কৰি বৰপেটা জিলা উপায়ুক্তৰ কাৰ্যালয়ত মনোনয়ন দাখিল দাসৰ ৷ সৰভোগ সমষ্টি বিজেপিৰ পৰা কোনেও কাঢ়ি নিব নোৱাৰে বুলি মন্তব্য দাসৰ ৷
5. সুৰভী ৰাজকুঁৱৰীৰ হৈ শিৱসাগৰত নিৰ্বাচনী প্ৰচাৰ তপন গগৈৰ
বিজেপি প্ৰাৰ্থী সুৰভী ৰাজকুঁৱৰীৰ হৈ বৃহস্পতিবাৰে ১০৮ নং শিৱসাগৰ সমষ্টিত নিৰ্বাচনী প্ৰচাৰ চলাই সাংসদ তপন গগৈ আৰু বিজেপি দলৰ ৰাজ্যিক ক্ৰীড়া কোষৰ সভাপতি বিজিত গগৈয়ে ৷
6. কাক ভোট দিব চাহ শ্ৰমিকসকলে ?
নাওবৈচাত নিৰ্বাচনৰ গৰম নির্বাচনী গৰম বতাহ ৷ সমষ্টিৰ অধীনষ্ঠ চাহ বাগিচাৰ শ্ৰমিকসকলে কাক ভোট দিব !
7. দুধনৈ সমষ্টিৰ বিজেপি প্ৰাৰ্থী শ্যামজিত ৰাভাৰ মনোনয়ন দাখিল
তৃতীয় পৰ্যায়ৰ নিৰ্বাচনৰ বাবে বিশাল ৰেলীৰে গোৱালপাৰাত ৩৬ নং দুধনৈ সমষ্টিৰ বিজেপি প্ৰাৰ্থী শ্যামজিত ৰাভাই মনোনয়ন পত্ৰ দাখিল কৰে । মনোনয়ন পত্ৰ দাখিলৰ সময়ত শ্যামজিত ৰাভাক সংগ দিয়ে ৰাভা হাছং স্বায়ত্ব শাসিত পৰিষদৰ মুখ্য কাৰ্যবাহী সদস্য টংকেশ্বৰ ৰাভা, বিজেপি জিলা সভাপতি হিমাদ্রী দাসে ।
8. মজিবুৰ ৰহমানৰ হৈ আজমলৰ প্ৰচাৰ
বৃহস্পতিবাৰে দলগাঁও সমষ্টিৰ এআইইউডিএফ-ৰ প্ৰাৰ্থী মজিবুৰ ৰহমানৰ হৈ নিৰ্বাচনী প্ৰচাৰ বদৰুদ্দিন আজমলৰ ৷ সমষ্টিটোৰ 12 খন সভাত ভাগ লয় আজমলে ৷
9. ৰমাকান্ত দেউৰীৰ হৈ নিৰ্বাচনী প্ৰচাৰ টিএচিৰ মুখ্য কাৰ্যবাহীৰ
৮০ নং মৰিগাঁও সমষ্টিত প্ৰচাৰ অভিযান তুংগত উঠিছে । ৰমাকান্ত দেউৰীৰ হৈ মৰিগাঁৱৰ বিভিন্ন স্থানত প্ৰচাৰ চলাইছে তিৱা স্বায়ত্ব পৰিষদৰ মুখ্য কাৰ্যবাহী সদস্য জীৱন চন্দ্ৰ কোঁৱৰে ।
10. গুৱাহাটীত হেভীৱেট প্ৰাৰ্থীৰ মনোনয়ন দাখিল, কোনে দাখিল কৰিলে মনোনয়ন ?
পূৱ গুৱাহাটী সমষ্টিৰ পৰা বিজেপি প্ৰাৰ্থী সিদ্ধাৰ্থ ভট্টাচাৰ্যই আৰু দিছপুৰৰ পৰা অতুল বৰাই বৃহস্পতিবাৰে মনোনয়ন দাখিল কৰে । পশ্চিম গুৱাহাটী সমষ্টিৰ পৰা বিজেপিৰ মিত্রজোঁটৰ অগপৰ প্ৰাৰ্থী ৰমেন্দ্ৰ নাৰায়ণ কলিতাই দাখিল কৰিলে মনোনয়ন পত্র । জালুকবাৰীৰ পৰা মনোনয়ন দাখিল কৰে কংগ্ৰেছৰ প্ৰাৰ্থী ৰমেন চন্দ্ৰ বৰঠাকুৰে ।
