দুপৰীয়া 1 বজাৰ দহটা শীৰ্ষ বাতৰি

দুপৰীয়া 1 বজাৰ দহটা শীৰ্ষ বাতৰি

দুপৰীয়া 1 বজাৰ দহটা শীৰ্ষ বাতৰি-

ইটালীৰ Foto Arte এ আয়োজন কৰা বিশ্বমানৰ ফটোগ্ৰাফী প্ৰতিযোগিতাত টপ গ'ল্ড সন্মানেৰে সন্মানিত হ'ল ডিব্ৰুগড়ৰ জ্যেষ্ঠ ফটো সাংবাদিক সৌৰভ দুৱৰা ৷

কৰ্মসূত্ৰে কেৰালাত থকা অসমৰ যুৱকৰ সৈতে পলাই যায় কেৰালাৰ এগৰাকী 3 মহীয়া সন্তানৰ মাতৃ ৷ মৰিগাঁৱলৈ আহি নিখোজ হৈ পৰে মহিলাগৰাকী ৷

বজালী জিলাৰ পাঠশালাৰ নলীপাৰাত শোচনীয় পথৰ বাবে দুৰ্ঘটনাত পতিত হ’ল এখন স্কুল ভান ৷ দুৰ্ঘটনাগ্ৰস্ত বাহনখনত আছিল পাঠশালাৰ শিক্ষা তীৰ্থ একাডেমীৰ 14 গৰাকী ছাত্ৰ-ছাত্ৰী ৷

ক’ভিডৰ প্ৰতি লক্ষ্য ৰাখি শিল্পী পাপৰি গগৈৰ আহ্বান বিহু উদযাপন সমিতি আৰু শিল্পী সমাজলৈ ৷ শিল্পী গৰাকীৰ মতে, দেহা থাকিলেহে বেহা, গতিকে সাংস্কৃতিক অনুষ্ঠান কৰাৰ পৰা বিৰত থাকিব লাগে সকলোৱে ৷

ডিলাইত গাড়ীৰ ইঞ্জিনৰ গোপন কক্ষত লুকুৱাই অনা প্ৰায় 5.5 কোটি টকা মূল্যৰ ড্ৰাগছ জব্দ ৷ এই সন্দৰ্ভত গ্ৰেপ্তাৰ এজন ড্ৰাগছ সৰবৰাহকাৰী ৷

মহামাৰী কৰ’ণাই ভয়াৱহ ৰূপ লৈছে ডিব্ৰুগড় জিলাত ৷ দৈনিক আক্ৰান্তৰ সংখ্যা বৃদ্ধি পোৱাৰ লগতে সোমবাৰে ডিব্ৰুগড়ৰ বহ্মপুত্ৰ নাৰ্চিংহোমত প্ৰথমগৰাকী কৰ’ণাক্ৰান্তৰ মৃত্যু হয় ৷

ক'ভিড-১৯ ৰ সংকটৰ সময়ত বিদেশ ভ্ৰমণৰ ফটো ছ'চিয়েল মিডিয়াত শ্বেয়াৰ কৰি তীব্ৰ সমালোচনাৰ সন্মুখীন হৈছে একাংশ বলীউড তাৰকা । বিদেশত অৱসৰ বিনোদনৰ পিছত মুম্বাইলৈ উভতি অহাৰ পিছতে অনুৰাগীয়ে 'নিলাজ' আখ্যা দিলে টাইগাৰ শ্ৰুফ, দিশা পাটানি, ৰণবীৰ কাপুৰ আৰু আলিয়া ভাটক ।

চলচ্চিত্ৰ নিৰ্মাতা ক্লো ঝাও, প্ৰবীণ অভিনেতা এন্থনী হপকিন্স আৰু ফ্ৰান্সেছ মেকডৰমেণ্ডে লজ এঞ্জেলছৰ ডল্বি থিয়েটাৰ আৰু ইউনিয়ন ষ্টেচন দুয়োটা স্থানতে অনুষ্ঠিত হোৱা 93 তম অস্কাৰ বঁটাত শীৰ্ষ সন্মান লাভ কৰে । প্ৰকাশ পাইছে এই বৰ্ষৰ অস্কাৰ বিজয়ীসকলৰ নাম...

যোৱা ২৪ ঘণ্টাত দেশত নতুনকৈ কৰ'ণাত আক্ৰান্ত হৈছে ৩,৫২,৯৯১ গৰাকী লোক । লগতে দেশত একেদিনাই মৃত্যু হৈছে ২,৮১২ গৰাকী লোকৰ ।

ক'ভিড-১৯ মহামাৰীৰ দ্বিতীয় ঢৌৱে এতিয়া ভাৰতত ভয়াৱহ পৰিস্থিতিৰ সৃষ্টি কৰিছে । শ্মশানবোৰত অহৰহ জ্বলি থকা চিতাবোৰে প্ৰমাণ দাঙি ধৰিছে মহামাৰীৰ ভয়াৱহতাৰ । আনকি অন্ত্যেষ্টিক্ৰিয়া সম্পন্ন কৰাৰ ক্ষেত্ৰতো আহি পৰিছে বহু অসুবিধা । মৃতদেহ মাটিতে থৈ সম্পন্ন কৰা হৈছে শেষকৃত্য । মধ্য প্ৰদেশ, দিল্লী আদিৰ দৰে ঠাইত অক্সিজেনৰ অভাৱত চটফটাইছে ক'ভিড ৰোগীয়ে ।