সন্ধিয়া সাত বজাৰ শীৰ্ষ দহটা বাতৰি...

সন্ধিয়া সাত বজাৰ শীৰ্ষ দহটা বাতৰি...

শনিবাৰে অসম চৰকাৰে বৰাক উপত্যকাৰ বাবে মিনি সচিবালয়ৰ কথা অৱগত কৰিছে ৷ উল্লেখ্য যে, বৰাক উপত্যকাবাসীৰ বাবে মিনি সচিবালয়ৰ দাবী বহু পুৰণি ৷

অপহৃত কুইপৰ দুই বিষয়াৰ সম্পৰ্কত এইবাৰ প্ৰতিক্ৰিয়া প্ৰকাশ কৰিলে অইল কৰ্তৃপক্ষই ৷ সাংবাদিকক সম্বোধন কৰি কাৰ্যবাহী সঞ্চালক প্ৰশান্ত বৰকটকী কয়, বিষয়টো সমাধানৰ বাবে আলোচনা চলি আছে ৷

মুখ্যমন্ত্ৰী সৰ্বানন্দ সোণোৱালৰ নেতৃত্বত 20 ফেব্ৰুৱাৰী, 2021 ৰ কেবিনেট বৈঠকত গ্ৰহণ কৰা হয় বহুকেইটা সিদ্ধান্ত ৷ ইয়াৰ ভিতৰত গুৰুত্বপূৰ্ণ হৈছে চাহ শ্ৰমিকৰ মজুৰি 167 টকাৰ পৰা 217 টকালৈ বৃদ্ধি ৷

ৰাজ্যৰ মুক্তি যুঁজাৰু সকলৰ সমস্যা সমাধানৰ উদ্দেশ্যে মুখ্যমন্ত্ৰী সৰ্বানন্দ সোণোৱালে চৰকাৰী বাসগৃহত মুক্তি যোদ্ধাসকলৰ সৈতে এক বৈঠকত মিলিত হয় ‌। এই বৈঠকতে গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত ৷

কৃষ্ণ বৈশ্যই 10 ফেব্ৰুৱাৰীত ঋণৰ ধন তুলিবলৈ যোৱাৰ পাছৰে পৰা সন্ধানহীন হৈ পৰে আৰু 12 ফেব্ৰুৱাৰীত কন্দলী ফায়েৰিং ফিল্ডৰ কাষৰ জংঘলত ডিঙি কটা অৱস্থাত উদ্ধাৰ হয় যুৱকজনৰ মৃতদেহ হয় ৷

কেবিনেটৰ বৈঠকত ৫৭ খন বিদ্যালয়ত কৰ্মৰত ১০১ গৰাকী ভকেশ্ব'নেল শিক্ষকৰ দৰমহা বৃদ্ধিৰ‌ সিদ্ধান্ত গ্ৰহণ কৰা হয় ৷

ডিব্ৰুগড়ত শনিবাৰে এক সংবাদমেল আয়োজন কৰে অইল ইণ্ডিয়া কতৃপক্ষই ৷ উক্ত সংবাদমেলত অইল ইণ্ডিয়া কতৃপক্ষই কয়, অহা 22 ফেব্ৰুৱাৰীত দেশৰ প্ৰধানমন্ত্ৰী নৰেন্দ্ৰ মোডীয়ে অসমৰ তৈল আৰু গেছ খণ্ডৰ তিনিটা বৃহৎ প্ৰকল্প আনুষ্ঠানিকভাৱে মুকলি কৰিব ৷

নীতি আয়োগৰ পৰিচালনা পৰিষদৰ বৈঠকত প্ৰধানমন্ত্ৰী নৰেন্দ্ৰ মোডীয়ে কয় যে ভাৰতৰ অৰ্থনৈতিক বিকাশৰ বাবে কেন্দ্ৰ আৰু ৰাজ্যসমূহে ঘনিষ্ঠভাৱে কাম কৰিব লাগিব ।

বিত্তমন্ত্ৰী নিৰ্মলা সীতাৰমণে শনিবাৰে ভাৰতৰ উদ্যোগসমূহক 'পশুআত্মা' মুকলি কৰি নতুন বিনিয়োগেৰে ভাৰতক বিশ্বৰ অন্যতম দ্ৰুত অৰ্থনীতিৰ দেশ হিচাপে গঢ়িবলৈ আহ্বান জনায় ।

অৰুণাচল প্ৰদেশৰ টাৱাঙৰ লুংলা ৰাজহ চক্ৰৰ অধীনৰ জংঘলত ১৮ ফেব্ৰুৱাৰীৰ বিয়লি সংঘটিত অগ্নিকাণ্ড শুকুৰবাৰে নিৰ্বাপণ হয় । দ্বিতীয় স্কাউট গাইড জোৱান আৰু চৰকাৰী বিষয়াৰ তৎপৰতাত এই জুই নিৰ্বাপণ সম্ভৱ হয় ।