5 বজাৰ দহটা শীৰ্ষ বাতৰি

5 বজাৰ দহটা শীৰ্ষ বাতৰি

মুখ্যমন্ত্ৰী সৰ্বানন্দ সোণোৱালৰ নেতৃত্বত 20 ফেব্ৰুৱাৰী, 2021 ৰ কেবিনেট বৈঠকত গ্ৰহণ কৰা হয় বহুকেইটা সিদ্ধান্ত ৷ ইয়াৰ ভিতৰত গুৰুত্বপূৰ্ণ হৈছে চাহ শ্ৰমিকৰ মজুৰি 167 টকাৰ পৰা 217 টকালৈ বৃদ্ধি ৷

ডিব্ৰুগড়ত শনিবাৰে এক সংবাদমেল আয়োজন কৰে অইল ইণ্ডিয়া কতৃপক্ষই ৷ উক্ত সংবাদমেলত অইল ইণ্ডিয়া কতৃপক্ষই কয়, অহা 22 ফেব্ৰুৱাৰীত দেশৰ প্ৰধানমন্ত্ৰী নৰেন্দ্ৰ মোডীয়ে অসমৰ তৈল আৰু গেছ খণ্ডৰ তিনিটা বৃহৎ প্ৰকল্প আনুষ্ঠানিকভাৱে মুকলি কৰিব ৷

ৰাজ্যৰ মুক্তি যুঁজাৰু সকলৰ সমস্যা সমাধানৰ উদ্দেশ্যে মুখ্যমন্ত্ৰী সৰ্বানন্দ সোণোৱালে চৰকাৰী বাসগৃহত মুক্তি যোদ্ধাসকলৰ সৈতে এক বৈঠকত মিলিত হয় ‌। এই বৈঠকতে গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত ৷

অসমৰ জিলা আৰু মহকুমা সমূহত প্ৰশাসন কৰ্মচাৰীসকলৰ দুদিনীয়া কৰ্মবিৰতি পালন ৷ 10 দফীয়া দাবী চৰকাৰে পূৰণ নকৰা বাবে এই কৰ্মবিৰতি ৷

এসময়ত ত্ৰিপুৰাৰ ঘৰুৱা ক্ৰিকেটৰ ১৬ বছৰ অনুৰ্ধৰ দলৰ হৈ খেলা উৎকৰ্ষ সিঙক দেখা যাব আগন্তুক ২০২১ বৰ্ষৰ আই পি এলত । কিংগছ ইলেভেন পঞ্জাৱ দলত অন্তৰ্ভূক্ত হৈছে উৎকৰ্ষ সিঙ ।

কেবিনেটৰ বৈঠকত ৫৭ খন বিদ্যালয়ত কৰ্মৰত ১০১ গৰাকী ভকেশ্ব'নেল শিক্ষকৰ দৰমহা বৃদ্ধিৰ‌ সিদ্ধান্ত গ্ৰহণ কৰা হয় ৷

দহ দফীয়া দাবীত নগাঁৱত জিলা প্ৰশাসন কৰ্মচাৰী সন্থাৰ অসহযোগ আন্দোলন ৷ শুকুৰবাৰ আৰু শনিবাৰে দুদিনীয়াকৈ নগাঁৱত প্ৰশাসন কৰ্মচাৰী সন্থাই গ্ৰহণ কৰিছে এই অসহযোগ কাৰ্যসূচী ৷

ন ৰূপত কণ্ঠশিল্পী জুবিন গাৰ্গ ৷ ৰাজনীতি শীৰ্ষক চিনেমাক লৈ ব্যস্ত নৱ প্ৰজন্মৰ হাৰ্টথ্ৰৱ ৷ এই অসমীয়া ছবি খনৰ শ্বুৃটিঙৰ বাবে কামপুৰত দেখা গৈছে কণ্ঠশিল্পী জুবিন গাৰ্গক ৷

নীতি আয়োগৰ পৰিচালনা পৰিষদৰ বৈঠকত প্ৰধানমন্ত্ৰী নৰেন্দ্ৰ মোডীয়ে কয় যে ভাৰতৰ অৰ্থনৈতিক বিকাশৰ বাবে কেন্দ্ৰ আৰু ৰাজ্যসমূহে ঘনিষ্ঠভাৱে কাম কৰিব লাগিব ।

মৃত্যুদণ্ডৰে দণ্ডিত হোৱা স্বাধীন ভাৰতৰ প্ৰথম গৰাকী মহিলা হিচাপে চিহ্নিত হৈছে ২০০৮ চনত নিজৰ পৰিয়ালৰে ৭ জন সদস্যক হত্যা কৰা আমৰোহা হত্যাকাণ্ডৰ অভিযুক্ত শ্ববনম ৷