সন্ধিয়া সাত বজাৰ শীৰ্ষ দহটা বাতৰি...

সন্ধিয়া সাত বজাৰ শীৰ্ষ দহটা বাতৰি...

নিজকে দলৰ নীতি আদৰ্শ মানি চলা মানুহ বুলি দাবী কৰি আৰ পি শৰ্মা আগন্তুক নিৰ্বাচনত কংগ্ৰেছ দলে ডিজিটেলাইজ হৈ নিৰ্বাচন খেলিব বুলি ব্যক্ত কৰিলে । নীতি আদৰ্শৰ কথা কোৱা এইগৰাকী নেতাই বিজেপি দলৰ পৰা সাংসদৰ নিৰ্বাচনী টিকট নাপাই কংগ্ৰেছত যোগদান কৰি কংগ্ৰেছ দলৰ পৰা টিকট লৈ ২০২১ ত নিৰ্বাচন খেলাৰ মন মেলিছে ।

ধেমাজি জিলাত দুৰ্নীতি নিবাৰক শাখাৰ জালত পৰিছে এজনৰ পিছত আনজন বন বিষয়া ৷ বৃহস্পতিবাৰে চোৰাং কাঠ ব্যৱসায়ীৰে মিতিৰালি কৰি ধন সংগ্ৰহৰ অভিযোগত দুৰ্নীতি নিবাৰক শাখাই বৃহস্পতিবাৰে গ্ৰেপ্তাৰ কৰে জোনাইৰ আঞ্চলিক বন বিষয়া ফকৰুল ইছলামক ৷

লাডাখত চীন আৰু ভাৰতৰ মাজত হোৱা সোমবাৰৰ সংঘৰ্ষৰ পিছতে প্ৰধানমন্ত্ৰী নৰেন্দ্ৰ মোডীয়ে আহ্বান জনাইছে সৰ্বদলীয় বৈঠকৰ। সমগ্ৰ পৰিস্থিতিৰ ওপৰত আলোচনা কৰাৰ বাবে ১৯ জুনত অনুষ্ঠিত হ'ব সৰ্বদলীয় বৈঠক। দেশৰ সকলো দলৰ মুৰব্বীসকলে সন্ধিয়া পাঁচ বজাত ভিডিঅ' কনফাৰেন্সঙিৰ জড়িয়তে অংশগ্ৰহণ কৰিব পাৰিব বৈঠকত । এই কথা টুইটযোগে অৱগত কৰিছে প্ৰধানমন্ত্ৰী মোডীয়ে।

প্ৰায় ৬০-৭০ খন গাঁৱৰ লোকৰ একমাত্ৰ যাতায়াতৰ মাধ্যম হিচাপে পৰিগণিত হৈ অহা চিৰাং জিলাৰ নাঙলভাঙা অঞ্চলৰ বাঁহৰ দলং খন উটুৱাই নিয়ে নাঙলভাঙা নদীৰ বাঢ়নি পানীয়ে ৷ সম্প্ৰতি নাৱেই হৈ পৰিছে স্থানীয় ৰাইজৰ বাবে একমাত্ৰ সমল ৷

দক্ষিণ শ্লোভেনিয়াত থকা 'Postojna Cave'ত বহু পৰ্যটকৰ আগমণ হয় আৰু পৰ্যটকসকলে ড্ৰেগন পোৱালিবোৰ পৰ্যবেক্ষণ কৰিব পাৰে আৰু গুহাৰ ভিতৰেৰে ট্ৰেইন যাত্ৰা কৰিব পাৰে। ইয়াৰ লগতে পোন প্ৰথমবাৰৰ বাবে গুহাটোত এটা একুৱাৰিয়ামত তিনিটা ড্ৰেগন পোৱালি পৰ্যটকৰ আকৰ্ষণৰ বাবে ৰখাৰ ব্যৱস্থা কৰিছে ।

গোলাঘাটত দৈনিক ইজনৰ পিছত সিজনৰ দেহত ধৰা পৰিছে কভিড-১৯ পজিটিভ । দৈনিক ক'ভিড ১৯ পজিটিভ ৰোগীৰ সংখ্যা বৃদ্ধিৰ তালিকাখনলৈ লক্ষ্য কৰি জিলাখনত ইতিমধ্যে গণ সংক্ৰমণৰো আশংকা কৰা হৈছে । হোম কোৱাৰেণ্টাইনত থকা ভনীয়েকৰ সংস্পৰ্শলৈ আহি এইবাৰ ঘৰত থকা বায়েকৰ শৰীৰত কভিড 19 ৰ পজিটিভ ভাইৰাচ ৷

আমেৰিকাৰ ৰাষ্ট্ৰপতি ড'নাল্ড ট্ৰাম্পৰ বিতৰ্কিত প'ষ্টক লৈ অৱশেষত ব্য়ৱস্থা গ্ৰহণ কৰিলে ফেচবুকে। মাৰ্ক জুকাৰবাৰ্গৰ কোম্পানীয়ে ড'নাল্ড ট্ৰাম্পৰ নিৰ্বাচনী প্ৰচাৰৰ লগত জড়িত সকলো প'ষ্ট আৰু বিজ্ঞাপন ফেচবুকৰ পৰা আতৰাই দিয়ে। ফেচবুকৰ নীতি উলংঘা কৰাৰ অভিযোগত সকলো বিজ্ঞাপন তথা প'ষ্ট আতৰাই দিয়ে কোম্পানীটোৱে।

বৃহস্পতিবাৰে দুৰ্নীতি নিবাৰক শাখাৰ দলে জোনাইৰ বন সংৰক্ষক ফকৰুল ইছলামক,ধেমাজিৰ জিলা ও সত্ৰ ন্যয়াধীশ আদালতত হাজিৰ কৰায় ৷

অসমৰ ৰাইজৰ সুৰক্ষা আৰু প্ৰাকৃতিক সম্পদৰ প্ৰভুত্ব ৰক্ষাৰ হেতু সন্মিলিত গণ মৰ্চাই কাম কৰি যাব বুলি সংবাদমেলত উল্লেখ কৰে অজিত কুমাৰ ভূঞাই ৷

বৰপেটা জিলাৰ কলগাছিয়া আৰক্ষী থানাৰ অন্তৰ্গত দেউকুৰা গাঁৱত শুকুৰবাৰে পুৱা সুলভ মূল্যৰ চোৰাং চাউলসহ এখন গাড়ী জব্দ কৰে স্থানীয় লোকে । জব্দ কৰা গাড়ীখনত আছিল 16 বস্তা চাউল ।