সন্ধিয়া 5 বজাৰ শীৰ্ষ দহটা বাতৰি

সন্ধিয়া 5 বজাৰ শীৰ্ষ দহটা বাতৰি

পৌৰ নিৰ্বাচন 2022 ৰ ফলাফলক লৈ মুখ্যমন্ত্ৰীৰ প্ৰতিক্ৰিয়া (Assam CM reaction on GMC Election 2022 results) । শনিবাৰে মুখ্যমন্ত্ৰীগৰাকীয়ে পৌৰ নিৰ্বাচনৰ ফলাফল (GMC Election 2022 results)সন্দৰ্ভত দলীয় বিষয় ববীয়াৰ সৈতে মিলিত হৈছিল এক আলোচনাত৷ সেই আলোচনাত কংগ্ৰেছ দলে কোনো আখন পোৱাৰ আশা দেখা পোৱা নাছিল ৷ সংবাদ মাধ্যমৰ আগত এই কথা সদৰী কৰে মুখ্যমন্ত্ৰী ড৹ হিমন্ত বিশ্ব শৰ্মাই ৷

দেওবাৰে ঘোষণা কৰা হ’ল বহু প্ৰতীক্ষিত গুৱাহাটী পৌৰ নিগম(GMC election 2022) ৰ নিৰ্বাচনৰ ফলাফল ৷ পুৱা 8 বজাৰে পৰা গুৱাহাটীৰ মণিৰাম দেৱান ট্ৰেড চেণ্টাৰত আৰম্ভ হৈছে ভোটগণনা প্ৰক্ৰিয়া (Counting of votes for GMC election 2022 begins)৷ লোকসভা নিৰ্বাচন, বিধানসভা নিৰ্বাচন, পৌৰসভা নিৰ্বাচন - সকলোতে ধূলিস্যাৎ হ’ল কংগ্ৰেছ দল ৷ পৌৰ নিৰ্বাচনত এখনো আখন নিজৰ দখলত ৰাখিব নোৱাৰিলে কংগ্ৰেছ দলটোৱে ৷

গুৱাহাটী পৌৰ নিগম নিৰ্বাচনত বৰ্তমানলৈ আম আদমি পাৰ্টীৰ এজন প্ৰাৰ্থী জয়ী (GMC Election Results 2022)৷ ৪২ নং ৱাৰ্ডত জয় লাভ কৰে আপৰ প্ৰাৰ্থী মাছুমা বেগমে (AAP wins one seat of GMC)। আপৰ প্ৰাৰ্থী মাছুমা বেগমে জয়ী হোৱা পাছতে উৎফুল্লিত হৈ পৰিছে আপ । দুৰ্নীতি নকৰাকৈ ৪২ নং ৱাৰ্ডৰ কাম কাজ কৰি যাব মাছুমা বেগমে- এই মন্তব্য আপৰ ৰাজ্যিক সমন্বয়ক ডাঃ ভবেন চৌধুৰীৰ ।

কংগ্ৰেছৰ প্ৰাক্তন নেতা ৰিপুন বৰাক তৃণমূল কংগ্ৰেছ অসম গোটৰ সভাপতি হিচাপে নিযুক্তি প্ৰদান ৷ তৃণমূল কংগ্ৰেছৰ ৰাষ্ট্ৰীয় সভানেত্ৰী তথা পশ্চিম বংগৰ মুখ্যমন্ত্ৰী মমতা বেনাৰ্জীৰ অনুমোদন সাপেক্ষে বৰাক আনুষ্ঠানিকভাৱে অসমৰ ৰাজ্যিক সভাপতিৰ দায়িত্ব অৰ্পণ (Assam state President of TMC)৷

কচুৱা আৰু মহানগৰ আৰক্ষীয়ে ড্ৰাগছৰ বিৰুদ্ধে অভিযান চলাই লাভ কৰিলে সফলতা ৷ কচুৱাৰ গেৰজাইপামত আৰক্ষীয়ে ড্ৰাগছ সহ আটক কৰে চাৰিটাকৈ সৰবৰাহকাৰী(Drugs paddler arrested in Nagaon) ৷ আনহাতে, সাতগাঁও আৰক্ষীৰ সহযোগত মধ্য আৰক্ষী মণ্ডলৰ বিশেষ আৰক্ষী অভিযানকাৰী(SOG) দলে চলোৱা আন এক পৃথক অভিযানত শনিবাৰে সাতগাঁও, নোৱাপাৰা মিলিজুলি অঞ্চলৰ পৰা জব্দ কৰা হয় ড্ৰাগছ ৷ অভিযানকাৰী দলটোৱে ঘটনা সন্দৰ্ভত দুটাকৈ সৰবৰাহকাৰীক কৰায়ত্ত কৰে ৷

প্ৰধানমন্ত্ৰীৰ কাৰ্যসূচীৰ পূৰ্বে জম্মুত সন্দেহজনক বোমা বিস্ফোৰণ ৷ বৰ্তমানলৈ কোনো লোক হতাহত হোৱা কথা জানিব পৰা হোৱা নাই । ৰাষ্ট্ৰীয় পঞ্চায়ত ৰাজ দিৱস উপলক্ষে জম্মু-কাশ্মীৰ ভ্ৰমণ কৰি সমগ্ৰ দেশৰ গ্ৰাম সভাসমূহক সম্বোধন কৰিব প্ৰধানমন্ত্ৰীয়ে(PM Modi to visit Jammu and Kashmir) ৷

লখিমপুৰ জিলাৰ বিহপুৰীয়া বিধানসভা সমষ্টিৰ কেৰেক জুলিত দেওবাৰে ভূমিস্খলনত মৃত্যু হয় এগৰাকী মহিলাৰ(Woman Killed in Landslide in Lakhimpur) । নেৰানেপেৰা বৰষুণৰ ফলতেই পাহাৰ খহি মৃত্যুক সাৱটি ল’ব লগা হয় মহিলাগৰাকীয়ে ৷ পাহাৰ খহি বিৰাছন বসুমতাৰী নামৰ লোকজনৰ ঘৰ হেঁচা মাৰি ধৰাৰ ফলতে ঘৰৰ ভিতৰতে মহিলাগৰাকীৰ মৃত্যু হয়।

বিহালীৰ বৰগাঙত আৰক্ষীয়ে জব্দ কৰিলে গৰুভৰ্তি ১২ চকীয়া ট্ৰাক (Cattle with truck seized at Behali) ৷ NL02 N1406 নম্বৰৰ মালবাহী ট্ৰাকখনত লখিমপুৰৰ পৰা নগাঁৱলৈ আনিছিল ২৯ টাকৈ পশুধন (Cattle Smuggling in Assam) ৷ আৰক্ষীৰ নিয়মীয়া তালাচীত ১৫ নং ঘাইপথৰ পৰা জব্দ কৰে ট্ৰাকসহ গো-ধন ৷ ঘটনাৰ লগত জড়িত থকাৰ সন্দেহত তিনিজনক আটক কৰিছে আৰক্ষীয়ে ৷ ধৃত ব্যক্তি তিনিজন ক্ৰমে হাইৰুল হুচেইন, হামিদূল ইছলাম আৰু জামিনুল হক৷ধৃত লোক এজনৰ পৰা ৩৪,১০০ টকা উদ্ধাৰ কৰিছে আৰক্ষীয়ে ৷

ইউৰোপীয় আয়োগৰ মুৰব্বী উৰসুলা ভন ডেৰ লেয়েন ভাৰত-ইউৰোপীয় ইউনিয়নৰ সম্পৰ্ক অধিক মজবুত কৰাৰ উদ্দেশ্যে দুদিনীয়া কাৰ্যসূচীৰে দেওবাৰে ভাৰতত উপস্থিত(EU chief arrives in India for two day visit) হয় ৷ ইউৰোপীয় আয়োগৰ মুৰব্বী হিচাপে এয়া তেওঁৰ প্ৰথমটো ভাৰত ভ্ৰমণ ৷

নতুন দিল্লীত অসমীয়াৰ বাপতি সাহোন ৰঙালী বিহু উদযাপন কেন্দ্ৰীয় মন্ত্ৰী সৰ্বানন্দ সোণোৱালৰ(PM Modi attends Bihu function at Sonowals residence) ৷ সোণোৱালৰ বাসগৃহত আয়োজন কৰা বিহু অনুষ্ঠানত অংশগ্ৰহণ প্ৰধানমন্ত্ৰীৰ ৷ বিহু নৃত্য উপভোগ কৰাৰ লগতে বিহুৱা দলৰে বাৰ্তালাপ কৰে প্ৰধানমন্ত্ৰীয়ে(PM Narendra Modi attends Bihu function) ৷