কৰ'ণাত আক্ৰান্ত গোলাঘাটৰ বিজেপি মিত্ৰজোঁট প্ৰাৰ্থী অজন্তা নেওগ
নিৰ্বাচনলৈ মাজত মাত্ৰ কেইটামান দিন বাকী থকা অৱস্থাত কৰ'ণা ভাইৰাছত আক্ৰান্ত হ'ল গোলাঘাট সমষ্টিৰ বিজেপি মিত্ৰজোঁট প্ৰাৰ্থী তথা প্ৰাক্তন মন্ত্ৰী অজন্তা নেওগ ৷ জানিব পৰা মতে, শনিবাৰে কৰা কৰ'ণা ভাইৰাছৰ পৰীক্ষণত এই তথ্য পোহৰলৈ আহে ৷ বৰ্তমান গোলাঘাটতে হোম আইচ'লেশ্যনত ৰখা হৈছে বিজেপি প্ৰাৰ্থী অজন্তা নেওগক ৷
দলীয় কৰ্মীৰ উৎসাহ দেখি উৎফুল্লিত মুখ্যমন্ত্ৰী সৰ্বানন্দ সোণোৱাল
শনিবাৰে সন্ধিয়া নিজ সমষ্টি মাজুলীত উপস্থিত হয় ৰাজ্যৰ মুখ্যমন্ত্ৰী সৰ্বানন্দ সোণোৱাল ৷ মাজুলীৰ ফুলনিত অনুষ্ঠিত এখন দলীয় সভাত অংশগ্ৰহণ কৰি নিৰ্বাচনক লৈ দলীয় নেতা-কৰ্মীৰ উৎসাহ দেখি উৎফুল্লিত হৈ পৰে মুখ্যমন্ত্ৰী সোণোৱাল ৷ এই সভাতে কংগ্ৰেছৰ ভেটিত খহনীয়াৰ সৃষ্টি কৰি বহুসংখ্যক কংগ্ৰেছ কৰ্মীয়ে বিজেপিত যোগদান কৰাৰ লগতে বিভিন্ন দল-সংগঠনৰ নেতা-কৰ্মীয়েও যোগদান কৰে বিজেপিত ৷
ৰাইজৰ টকাৰে নিৰ্দলীয় প্ৰাৰ্থী হিলাল উদ্দিন লস্কৰ জনসভা
শনিবাৰে হাইলাকান্দিত নিৰ্দলীয় প্ৰাৰ্থী হিলাল উদ্দিন লস্কৰৰ নিৰ্বাচন কেন্দ্ৰীক জনসভা অনুষ্ঠিত হয় ৷ এই বিশেষ সভাখন এতিয়া হৈ পৰিছে চৰ্চাৰ বিষয় ৷ কিয়নো প্ৰাৰ্থী হিলাল উদ্দিন লস্কৰে নিজ টকা খৰচ কৰি নিৰ্বাচনী সভা অনুষ্ঠিত কৰাৰ বিপৰীতে ৰাইজৰ দান-বৰঙনিৰে আয়োজন কৰা হৈছে এই সভা ৷
আত্মসহায়ক গোটক লৈ সজাগতা সভা বিশ্বনাথ জিলা প্ৰশাসনৰ
বিশ্বনাথ জিলা প্ৰশাসনৰ উদ্যোগত ভোটাৰ সজাগতামূলক পদক্ষেপ হিচাপে শনিবাৰে মহিলা আত্মসহায়ক গোটৰ সদস্যাসকলৰ মাজত এখন বিশেষ সভা অনুষ্ঠিত কৰা হয় । চাৰিআলি উচ্চতৰ মাধ্যমিক আৰু বহুমুখী বিদ্যালয়স্থিত প্ৰেক্ষাগৃহত অনুষ্ঠিত সভাত মুঠ ১৬৪টা মহিলা আত্মসহায়ক গোটে অংশগ্ৰহণ কৰে ৷ এই সভাত দুই শতাধিক মহিলাক প্ৰদান কৰা হয় ইভিএম-ভিভিপেটৰ ব্যৱহাৰিক জ্ঞান ।
শূন্য আদালত: উচ্চ বিচাৰ বিভাগত ৪০ শতাংশ পদ খালী থকাৰ বাবে ন্যায় প্ৰদান প্ৰক্ৰিয়া বিলম্বিত হৈছে
ক’ভিড-১৯ অৰ কালচোৱাত আক্ষৰিক অৰ্থতে এক অচলাৱস্থাৰ গৰাহত পৰিব লগা হোৱা ভাৰতীয় ন্যায় প্ৰদান ব্যৱস্থাই ন্যায়াধীশ সকলৰ ব্যাপক অভাৱৰ সৈতে যুঁজিব লগা হৈছে ৷ যোৱাটো বৰ্ষলৈকে উচ্চতম ন্যায়ালয়কে ধৰি ২৫ খন উচ্চ ন্যায়ালয়ৰ বাবে অনুমোদিত মুঠ ১,০৮০ জন ন্যায়াধীশৰ ভিতৰত ৪৪১ টা অৰ্থাৎ প্ৰায় ৪০ শতাংশ পদেই পূৰণ নোহোৱাকৈ আছিল ৷
নৱ কুমাৰ শৰণীয়ালৈ পূৰ্ণ সমৰ্থন গণ সুৰক্ষা পাৰ্টিৰ
নিৰ্বাচনৰ প্ৰাকক্ষণত শনিবাৰে বাক্সা জিলাৰ বৰমাত গণ সুৰক্ষা পাৰ্টিয়ে এক সংবাদ মেল সম্বোধন কৰে ৷ সংবাদমেলত ৬২ নং বৰমা বিধান সভা সমষ্টিত নিৰ্দলীয় প্ৰাৰ্থী নৱ কুমাৰ শৰণীয়াক পূৰ্ণ সমৰ্থন আগবঢ়োৱাৰ কথা আনুষ্ঠানিকভাৱে ঘোষণা কৰে ৷ তদুপৰি বিটিচিৰ বাকী ১১ টা সমষ্টিত মিত্ৰজোঁটৰ প্ৰাৰ্থীক সমৰ্থন জনোৱা হ'ব বুলিও ঘোষণা কৰে দলটোৰ নেতৃত্বই ।
২২মাৰ্চত অসমৰ চাহ বাগিচা বন্ধৰ ঘোষণা বাতিল আটছাৰ
২২ মাৰ্চত অসমৰ সমূহ চাহ বাগান বন্ধ দিয়াৰ ঘোষণা বাতিল আটছাৰ । চাহ শ্ৰমিকৰ দৈনিক মজুৰি বৃদ্ধি নকৰাক লৈ এই বন্ধৰ ঘোষণা কৰিছিল সংগঠনটোৱে ।
দলীয় কৰ্মীৰ মুখতে কংগ্ৰেছ প্ৰাৰ্থী নন্দিতা দাস গ’ বেক ধ্বনি
বকোৰ সোণতলীত কংগ্ৰেছ প্ৰাৰ্থী নন্দিতা দাসৰ বিৰুদ্ধে কংগ্ৰেছ কৰ্মীৰ তীব্ৰ প্ৰতিবাদ ৷ বকো সমষ্টিত বিগত ৫বছৰীয়া কাৰ্যকালত বিধায়িকা গৰাকীয়ে কোনো উন্নয়ন মূলক কাম নকৰাৰ অভিযোগ উত্থাপন কৰিছে সমষ্টিবাসী তথা একাংশ কংগ্ৰেছীয়ে ৷
চাহ শ্ৰমিকৰ মাজত প্ৰচাৰ অভিযান কংগ্ৰেছ প্ৰাৰ্থী অংকিতা দত্তৰ
শনিবাৰে ১০৩ নং আমগুৰি বিধান সভা সমষ্টিৰ কংগ্ৰেছ প্ৰাৰ্থী ড৹ অংকিতা দত্তক চাহ শ্ৰমিকৰ সৈতে দেখা পোৱা গ'ল ৷ ৬১ নং ৰাষ্ট্ৰীয় ঘাই পথৰ বৰবাম চাহ বাগিছাত চাহ শ্ৰমিকৰ সৈতে ব্যস্ত হৈ পৰিল কংগ্ৰেছ প্ৰাৰ্থী গৰাকী ৷ আনকি চাহ শ্ৰমিকসকলৰ সৈতে ফটোও উঠে অংকিতা দত্তই ৷ তদুপৰি বাগিচাত কৰ্মৰত চাহ শ্ৰমিকসকলক আগন্তুক নিৰ্বাচনত হাতৰ চিহ্নত ভোট দিবলৈ অনুৰোধ জনায় কংগ্ৰেছ প্ৰাৰ্থী অংকিতা দত্তই ৷
"আকৌ এবাৰ মোডী চৰকাৰ" ধেমাজিত নৃত্যত ব্যস্ত মন্ত্ৰী হিমন্ত
১১৩ নং ধেমাজি বিধানসভা সমষ্টিৰ বিজেপি মিত্ৰজোঁটৰ প্ৰাৰ্থী ডাঃ ৰণোজ পেগুৰ হৈ নিৰ্বাচনী প্ৰচাৰৰ চলোৱাৰ অৰ্থে শনিবাৰে তেলিজান পথাৰৰ বিশাল নিৰ্বাচনী সভাত অংশ লয় মন্ত্ৰী হিমন্ত বিশ্ব শৰ্মাই ৷
