তিনি বজাৰ শীৰ্ষ দহটা বাতৰি

তিনি বজাৰ শীৰ্ষ দহটা বাতৰি

কৰ'ণাৰ দ্বিতীয় ঢৌৱে এফালৰ পৰা কোঙা কৰি গ'ল মানৱ জাতিক ৷ খাদ্য-বস্ত্ৰৰ অভাৱৰ লগতে আপোনজনক হেৰুৱাই দিগ-বিদিগ হেৰুৱাইছে অজস্ৰজনে ৷ অকালতে আপোনজনক হেৰুৱাই অনাথ হ'ল বিশ্বৰ বহু শিশু ৷ তেনে এক হৃদয় বিদাৰক ঘটনা সংঘটিত হ'ল হোজাই জিলাৰ লংকা পানচালিত ৷ ভাৰতীয় সেনা বাহিনীত কৰ্মৰত জোৱানৰ আৰু পত্নীৰ মৃত্যু পাচতে অনাথ হৈ পৰা দুই সন্তানৰ কাষত থিয় দিলে হোজাই সমষ্টিৰ বিধায়ক ৰামকৃষ্ণ ঘোষ ৷

অভিযানকালত গাওঁখনৰ 30 ঘৰত প্ৰায় ২২ হাজাৰ লিটাৰ চুলাই মদৰ উপৰিও চুলাই প্ৰস্তুত কৰা সা-সামগ্ৰী অভিযানকাৰী দলটোৱে ধ্বংস কৰে । ইফালে, অভিযানকাৰী দলটোৰ সৈতে স্থানীয় একাংশ মহিলাৰ বাক-বিতণ্ডা হোৱা পৰিলক্ষিত হয় ।

একেদিনাই আৰক্ষীয়ে জব্দ কৰিবলৈ সক্ষম হৈছে ২০.৭৬০ কি:গ্ৰা: গাঞ্জাৰ লগতে ৩৫ গ্ৰাম হেৰ'ইন । বোকাজানৰ লাহৰিজান নাকা তালাচীত জব্দ হয় ২০.৭৬০ গ্ৰাম গাঞ্জা । আৰক্ষীয়ে বিশেষ সূত্ৰৰ পম খেদি বোকাজানৰ গান্ধীবস্তিত উদ্ধাৰ কৰে ৩৫ গ্ৰাম হিৰ'ইন (Heroin)।

অভিজিত বাল্মিকী নামৰ পাঁচ বছৰীয়া কিশোৰজনক শনিবাৰে সন্ধিয়া আগৰতলা ৰে’ল ষ্টেচনৰ পৰা আৰক্ষীয়ে উদ্ধাৰ কৰে । আৰক্ষীয়ে জনোৱা মতে, কিশোৰজন অসমৰ বদৰপুৰ অঞ্চলৰ আৰু সন্দেহজনকভাৱে শিলচৰ-আগৰতলা এক্সপ্ৰেছৰ জৰিয়তে আগৰতলা ৰে'ল ষ্টেচনত উপস্থিত হৈছিল কিশোৰজন । কিশোৰজনক উদ্ধাৰ কৰি আৰক্ষীয়ে শিশুগৃহলৈ প্ৰেৰণ কৰিছে ।
পানী যোগান আঁচনি থকা সত্বেও ডিব্ৰুগড়ত বৰষুণৰ পানীৰে কৃষকৰ খেতি

কৃষি বিভাগে পথাৰত পানী যোগান ধৰাৰ কথা কৈ থকা সময়ত ডিব্ৰুগড় জিলাৰ বহু কৃষি প্ৰধান গাঁৱক সামৰি থকা এই প্ৰকল্পটোৰ পৰা আজি পৰ্যন্ত কৃষকে নাপালে এটুপিও পানী । ফলত পানী যোগানৰ বাবে নিৰ্মাণ কৰা পকী নলাসমূহ এতিয়া হাবি জংঘলেৰে ভৰি পৰাৰ লগতে ডাষ্টবিনলৈ ৰূপান্তৰ হৈছে ।

যন্ত্ৰচালিত নাৱেৰে চাপৰৰ বিভিন্ন গৰাখহনীয়া ঠাই পৰিদৰ্শন কৰিলে পূৱ-বিলাসীপাৰা সমষ্টিৰ বিধায়ক ছামছুল হুদাই ৷ চাপৰৰ ধীৰেৰচৰ-তাৰাংগাপুৰ,পুঠিমাৰী অঞ্চলৰ চম্পাৱতী নৈৰ গৰাখহনীয়া আৰু নৈপৰীয়া ৰাইজৰ লগত মত-বিনিময় কৰে বিধায়ক গৰাকীয়ে।

বিগত দহ বছৰ ধৰি বেকী নৈৰ গৰাখহনীয়াই কালৰূপ ধাৰন কৰি গুইলেজা, বৰডাংগা, চৰচৰীয়া, জেকনিকুৰা, মিনিছিমলা আদি ৰাজহ গাঁও সমূহ নিশ্চিহ্ন কৰি পেলোৱাৰ লগতে বানপানীৰ প্ৰাক মূহুৰ্তত গৰাখহনীয়াই তীব্ৰ ৰূপ ধাৰন কৰি চৰ গুইলেজাত কেইবাটাও পৰিয়ালৰ ঘৰ-ভেটি উচন কৰিছে ৷

জোনাইত চিয়াং-লালী নদীৰ গৰাখহনীয়াত নিশ্চিহ্ন হোৱাৰ পথত ধেমাজি জিলাৰ একমাত্ৰ নদীদ্বীপ কবুচাপৰিত চৰকাৰী উন্নয়নে ঢুকি পোৱা নাই ৷ জোনাইৰ একমাত্ৰ নদীদ্বীপ কবু চাপৰি অঞ্চল, দুৰ্গম বাট-পথ, নাই অনাময় ব্যৱস্থা, স্বাস্থ্য, বিশুদ্ধ খোৱা-পানী এশ এবুৰি সমস্যাৰে জৰ্জৰিত কবুচাপৰি ৷

মৰিগাঁও জিলাৰ লাহৰীঘাটৰ বালিডোঙাত এটি ৯ বছৰীয়া শিশুক ধৰ্ষণ কৰি হত্যা কৰি মৰাপাটৰ খেতিত পেলাই থৈ যোৱা নাৰকীয় কাণ্ডৰ মূল অভিযুক্ত ছৈয়দ আলীক শনিবাৰে গ্ৰেপ্তাৰ কৰিছে মৰিগাঁও আৰক্ষীয়ে ৷ পলাতক অৱস্থাত থকা ছৈয়দ আলী ওৰফে পাঠাক শনিবাৰে নিশা আৰক্ষীয়ে গ্ৰেপ্তাৰ কৰে ৷

দক্ষিণ মোহনপুৰ গাঁও পঞ্চায়তৰ অৰ্ন্তগত গোবিন্দনগৰ দ্বিতীয় খণ্ডৰ পান্না দাসে এগৰাকী কিশোৰী বিদ্যালয়লৈ অহাযোৱা কৰোতে দীৰ্ঘদিনৰ পৰা অশালীন ব্যৱহাৰ কৰাৰ গুৰুতৰ অভিযোগ উত্থাপন হৈছে ৷ সম্প্ৰতি পান্ন দাসক বিচাৰি আৰক্ষীয়ে তদন্ত আৰম্ভ কৰিছে ৷