9 বজাৰ শীৰ্ষ দহটা বাতৰি

9 বজাৰ শীৰ্ষ দহটা বাতৰি

এতিয়াৰে পৰা মহানগৰ আৰক্ষীৰ নাম পঢ়িব পাৰিব অসমীয়া ভাষাত (Police name plate in Assamese)৷ পোচাকত অসমীয়া ভাষাত লিখা নাম ফলক লগাবলৈ দিয়া হৈছে নিৰ্দেশনা ৷

সাতবছৰ পিছত পুনৰ তদন্তৰ আওতালৈ কংগ্ৰেছৰ আমোলত সংঘটিত এশ কোটিটকীয়া কৃষি কেলেংকাৰী (Agriculture scam resumes) ৷ শনিবাৰে CIDয়ে 2014 চনত সংঘটিত এই বৃহৎ কেলেংকাৰীত জড়িত 26 গৰাকী বিষয়া কৰ্মচাৰীৰ বিৰুদ্ধে 6 খন অভিযোগনামা দাখিল কৰে ।

ডিব্ৰুগড় বিশ্ববিদ্যালয়ত নিযুক্তি দিয়া হ’ল নতুন উপাচাৰ্য (New Vice chancellor of Dibrugarh university) ৷ প্ৰাক্তন উপাচাৰ্য ড৹ ৰঞ্জিত তামুলীৰ নাম বিত্তীয় কেলেংকাৰীত সাঙুৰ খোৱাৰ পিছৰে পৰা খালি হৈ আছিল পদটি ৷

বহু প্ৰতীক্ষাৰ অন্তত অৱশেষত ৰাজ্যত ব্ৰহ্মপুত্ৰ খননৰ কাম আৰম্ভ হৈছে (Dredging of River Brahmaputra) । আভ্যন্তৰীণ জল পৰিবহন প্ৰাধিকৰণৰ (IWAI) উদ্যোগত ধুবুৰীত ব্ৰহ্মপুত্ৰ নদীত খননৰ কাৰ্য ৷

অসম-মেঘালয়ৰ সীমা সম্পৰ্কে সমাধানৰ সূত্ৰ বিচাৰি পুনৰ গুৱাহাটীৰ হোটেল ভিভাণ্টাত বৈঠকত মিলিত হ’ল অসম আৰু মেঘালয়ৰ মুখ্যমন্ত্ৰী ড৹ হিমন্তবিশ্ব শৰ্মা আৰু কনৰাড চাংমা (CMs of Assam Meghalaya meet over Assam Meghalaya border dispute) ৷

হকী খেলুৱৈ মোজাম্মিল অতি পিচপৰা অঞ্চলৰ দৰিদ্ৰতাৰে সৈতে যুঁজি ভাৰতীয় তথা আন্তঃৰাষ্ট্ৰীয় হকী জগতত নিজৰ সৱল উপস্থিতিৰে সকলোৰে দৃষ্টি আকৰ্ষণ কৰিবলৈ সক্ষম হৈছে (Assams Muzammil Haque shines in international event) ৷ দৰিদ্ৰতা আৰু সীমিত সুবিধাৰ মাজতেই মোজাম্মিলে হকীৰ ষ্টিকৰ যাদুৰে সকলো বাধাৰ প্ৰাচীৰ নেওচি পিতৃৰ কান্ধত হাত থৈ আগবাঢ়িছে প্ৰতিষ্ঠাৰ দৌৰত ৷

পেগাছাচ স্পাইৱেৰ এনে এক প্ৰযুক্তি যাৰ সহায়ত আন কোনো ব্যক্তিগত চোৰাংচোৱা প্ৰতিস্থান বা সংস্থাই কৰিব নোৱাৰা কাম সম্পন্ন কৰিব পাৰি ৷ ইয়াৰ জড়িয়তে নিৰৱিচ্চিন্নভাৱে আৰু সম্পূৰ্ণ বিশ্বাসযোগ্যভাৱে আই ফোন আৰু এণ্ড্ৰইড ফোনৰ বাৰ্তাসমূহ এনক্ৰিপ্ত কৰিব পাৰি ।

ভাৰত-চীন সীমান্তত চিকাৰ কৰিবলৈ গৈ চীনা সৈন্যৰ হাতত বন্দী হোৱা অৰুণাচলৰ যুৱকজন আজিও উপস্থিত হোৱা নাই স্ব-গৃহত ৷ হটলাইন এক্সেঞ্জৰ জৰিয়তে চীনা সৈন্যই যুৱকজনক ভাৰতীয় সেনাৰ হাতত গতাই দিলে (Hotline exchanged between Indian Army and PLA) যদিও এই পৰ্যন্ত মাত্ৰ এবাৰহে পুত্ৰৰ মাত শুনিবলৈ সক্ষম হৈছে পিতৃ-মাতৃ ৷

নিৰ্মাণ খণ্ডটোৱে সন্মুখীন হৈ অহা প্ৰত্যাহ্বান আৰু কেন্দ্ৰীয় বাজেট সন্দৰ্ভত ইটিভি ভাৰতৰে হোৱা আছুতীয়া সাক্ষাৎকাৰত আছাম ৰিয়েল ইষ্টেট ইনফ্ৰাষ্টাকছাৰ ডেভল’পাৰ্ছ এছ’চিয়েশ্যন চমুকৈ ‘AREIDA’ৰ প্ৰতিষ্ঠাপক সভাপতি পি কে শৰ্মা ।

মহানগৰীৰ মেঘদূত ভৱনত ৰহস্যজনক চুৰিকাণ্ড ৷ শুকুৰবাৰে নিশা মেঘদূত ভৱনত চোৰে চাফাই অভিযান চলাই লুটি লৈ যায় নগদ প্ৰায় 3 লাখ টকা (miscrants loot Rs 3 lakh from Meghdoot Bhawan) ৷