সন্ধিয়া 7 বজাৰ দহটা শীৰ্ষ বাতৰি

সন্ধিয়া 7 বজাৰ দহটা শীৰ্ষ বাতৰি

1253 খ্ৰীষ্টাব্দত স্বৰ্গদেউ চাওলুং চুকাফাই স্থাপন কৰিছিল ঐতিহাসিক কীৰ্তিচিহ্নৰে ভৰপুৰ চৰাইদেউ ৰাজধানী ৷ চুকাফাই চৰাইদেউ পাহাৰ শিখৰত স্থাপন কৰিছিল এখন দেওশাল ৷ বৃটিছৰ শাসনৰ সময়ত দেওশালখনৰ বহু সম্পদ অন্য ঠাইলৈ স্থানান্তৰিত কৰা হৈছিল যদিও বৰ্তমানো পৰিত্যক্ত হৈ ৰৈছে এই ঐতিহাসিক দেওশালখন ৷

পঞ্চভূতত বিলীন হ'ল প্ৰাক্তন মুখ্যমন্ত্ৰী, জ্যেষ্ঠ কংগ্ৰেছ নেতা ডাঃ ভূমিধৰ বৰ্মনৰ নশ্বৰদেহ ৷ মঙলবাৰে সদ্য প্ৰয়াত ডাঃ বৰ্মনৰ অন্তোষ্টিক্ৰিয়া সম্পন্ন অনুষ্ঠানত উপস্থিত থাকি শেষ শ্ৰদ্ধাঞ্জলি জ্ঞাপন কৰে ৰাজ্যৰ মুখ্যমন্ত্ৰী সৰ্বানন্দ সোণোৱালে ৷

প্ৰধানমন্ত্ৰী নৰেন্দ্ৰ মোডীৰ অধ্যক্ষতাত অনুষ্ঠিত এখন বৈঠকত ক'ভিড-১৯ টীকাকৰণৰ ক্ষেত্ৰত তৃতীয় পৰ্যায়ত নমনীয় আৰু ত্বৰান্বিতৰ ৰণনীতিৰ ওপৰত সিদ্ধান্ত গ্ৰহণ কৰা হয় । কেন্দ্ৰীয় চৰকাৰৰ নমনীয় ৰণনীতিক তীব্ৰ সমালোচনা কংগ্ৰেছ নেতা ৰাহুল গান্ধীৰ । ইয়াক প্ৰতিষেধক বৈষম্য ৰণনীতি বুলি অভিহিত কৰে নেতাগৰাকীয়ে ।

খাৰ্বি অঞ্চলৰ বাসিন্দা শ্ৰীৰাম বেলখোডে হৃদৰোগত আক্ৰান্ত হৈ মৃত্যু হৈছিল । কিন্তু আত্মীয়সকলে কৰ'ণাত মৃত্যু হোৱাৰ সন্দেহ কৰে । বেলখোডেৰ মৃতদেহৰ ওচৰত কেৱল পত্নী, পুত্ৰ আৰু এগৰাকী কন্যা আছিল । কৰ'ণাৰ ভয়ত বেলখোডেক শেষ শ্ৰদ্ধা জনাবলৈ আৰু বাকী আত্মীয়সকলে মৃত শৰীৰ চাবলৈ অস্বীকাৰ কৰিছিল । চলমান ৰফিক নামৰ মুছলমান যুৱকজন আগুৱাই আহে আৰু মৃতদেহৰ সৎকাৰ কৰে ।

দিনক দিনে বৃদ্ধি পাইছে তিনিচুকীয়াত ক’ভিড আক্ৰান্ত ৰোগীৰ সংখ্যা । ক'ভিড 19 ক লৈ কঠোৰ হৈ পৰিছে জিলা প্ৰশাসন । শেহতীয়া পৰিস্থিতি সন্দৰ্ভত তিনিচুকীয়া থানা চাৰিআলিৰ পৰা সংবাদদাতা প্ৰেমানন্দ দাসৰ এক প্ৰতিবেদন...

বঢ়মপুৰৰ বামুণী মুছলমান গাঁৱৰ এখন বিদ্যালয়ত চীপ লৈ থকা অৱস্থাত উদ্ধাৰ চুমি নামৰ এগৰাকী মহিলা ৷ অভিযোগ অনুসৰি, মৃত মহিলাগৰাকীৰ স্বামী বিজু আলীয়ে ৰোজা ৰাখিব নিদিয়াৰ বাবে মহিলাগৰাকীয়ে গ্ৰহণ কৰে এনে চৰম পন্থা ৷

হোজাইত শোৱাপাটীত উদ্ধাৰ মহিলাৰ মৃতদেহ
হোজাইৰ পূৱ ধনীৰাম পথাৰৰ 4 নং ৱাৰ্ডত সোমবাৰে নিশা শোৱাপাটীত ৰহস্যজনক অৱস্থাত উদ্ধাৰ মহিলাৰ মৃতদেহ ৷ মৃত মহিলাগৰাকী হৈছে ৰবি নায়কৰ পত্নী পাৰ্বতী নায়ক ৷

দেশৰ বিভিন্ন ৰাজ্যৰ সমান্তৰালকৈ তেলেংগানাতো বৃদ্ধি পাইছে ক'ভিড-১৯ ত আক্ৰান্তৰ সংখ্যা । বৰ্ধিত সংক্ৰমণৰ প্ৰতি লক্ষ্য ৰাখি ৰাজ্যখনত নৈশ সান্ধ্য আইন জাৰি কৰিছে চৰকাৰে । মঙলবাৰে মাজনিশাৰ পৰা কাৰ্যকৰী হ'ব নৈশ সান্ধ্য আইন ।

সুশান্ত সিঙৰ পিতৃয়ে প্ৰয়াত অভিনেতা গৰাকীৰ ওপৰত আধাৰিত চলচ্চিত্ৰ মুক্তিৰ বিৰুদ্ধে নিষেধাজ্ঞা বিচাৰি আবেদন কৰিছিল । দিল্লী উচ্চ ন্যায়ালয়ে মঙলবাৰে আবেদনৰ ওপৰত জাননী জাৰি কৰিছে । ন্যায়াধীশ মনোজ কুমাৰ ওহৰিয়ে বুধবাৰে উত্তৰদাতাৰ পৰা সঁহাৰি বিচাৰিছে আৰু ২৫ মে'ৰ ভিতৰত সঁহাৰি দিয়াৰ নিৰ্দেশ দিয়ে ।

বাফটাৰ ব্ৰেকথ্ৰ' ইণ্ডিয়াৰ বিচাৰক হিচাপে যোগদান কৰিলে বলীউডৰ অভিনেতা অনুপম খেৰে । সোমবাৰে ইনষ্টাগ্ৰাম পোষ্টযোগে এই কথা প্ৰকাশ কৰে অভিনেতাগৰাকীয়ে ।