5 বজাৰ দহটা শীৰ্ষ বাতৰি

5 বজাৰ দহটা শীৰ্ষ বাতৰি

বিজেপিৰ সংকল্প পত্ৰত পাঁচ বছৰীয়া কৰ্মসূচীৰ ৰূপৰেখা আছে ৷ বিগত পাঁচ বছৰত বিজেপি চৰকাৰে অসমৰ সৰ্বাংগীন উন্নয়ন কৰিবলৈ সক্ষম হৈছে ৷ জাতি-মাটি-ভেটি ৰক্ষাৰ লক্ষ্যত আমি উপনীত হৈছো ৷ অসমৰ সংস্কৃতি-সভ্যতা ৰক্ষা কৰাটো আমাৰ সংকল্প ৷ ৰাজ্যখনৰ গতিশীল উন্নয়নক আৰু অধিক আগুৱাই নিয়াৰ বাবে আমি সাজু হৈছো ৷ 10 টা সংকল্পৰে মঙলবাৰে বিজেপিৰ নিৰ্বাচনী ইস্তাহাৰ মুকলি কৰিলে ৰাষ্ট্ৰীয় সভাপতি জে পি নাড্ডাই ৷

অসমবাসীৰ ব্যাপক প্ৰতিবাদৰ পাছতো বিজেপি নাগৰিকত্ব সংশোধনী আইন সম্পৰ্কত অটল ৰাখিছে স্থিতি ৷ এফালে বিজেপিয়ে অসমৰ ভাষা, সভ্যতা, সংস্কৃতি ৰক্ষা কৰাৰ কথা কৈছে আৰু আনফালে নাগৰিকত্ব সংশোধনী আইন বলৱৎ কৰি হিন্দু বাংলাদেশীক সংস্থাপিত কৰাৰ কথা কৈছে ৷ মুঠতে দুমুখীয়া স্থিতি গ্ৰহণ কৰিছে গেৰুৱা দল বিজেপিয়ে ৷

মঙলবাৰে কাকপথাৰত অসম জাতীয় পৰিষদৰ এক বৃহৎ বাইক ৰেলী উলিওৱা হয় ৷ সমাগত বিধানসভা নিৰ্বাচনৰ প্ৰতি লক্ষ্য ৰাখি নৱগঠিত আঞ্চলিক ৰাজনৈতিক দল অসম জাতীয় পৰিষদেও আৰম্ভ কৰিছে ব্যাপক নিৰ্বাচনী প্ৰচাৰ ৷ শদিয়া সমষ্টিৰ কাকপথাৰত অসম জাতীয় পৰিষদৰ প্ৰাৰ্থী জগদীশ ভূঞাৰ সৰ্মথনত উলিওৱা হয় এই বাইক ৰেলী ৷

আমগুৰিৰ বিধায়ক প্ৰদীপ হাজৰিকাৰ বিৰুদ্ধে বৌয়েক-ভতিজাকৰ শিৱসাগৰত সংবাদমেল ৷ নিজ পৰিয়ালৰ লোকক শোষণ-বঞ্চনা কৰাৰ অভিযোগ ৷

ৰহমৰীয়াত মুখ্যমন্ত্ৰী সৰ্বানন্দ সোণোৱালে বিনোদ হাজৰিকাৰ হৈ নিৰ্বাচনী প্ৰচাৰ চলোৱাৰ সময়ত কংগ্ৰেছক সমালোচনা কৰাৰ পিছতে লোহোৱালৰ কংগ্ৰেছ প্ৰাৰ্থী মনোজ ধানোৱাৰে উভতি ধৰে মুখ্যমন্ত্ৰীক ।

লখিমপুৰত শাসকীয় দল বিজেপি আৰু বিৰোধী দল কংগ্রেছৰ মাজত চলিছে হাইভল্টেজ প্ৰচাৰৰ যুঁজ । বিজেপি আৰু কংগ্ৰেছৰ প্ৰাৰ্থীসকলৰ হৈ প্ৰচাৰ চলাবলৈ জিলাখনত আগমন ঘটিছে কেইবাগৰাকী শীৰ্ষনেতাৰ । নিৰ্দলীয় প্ৰাৰ্থীসকলেও বহি থকা নাই, নিৰ্বাচনী প্ৰচাৰ তুংগত তুলিছে প্ৰাৰ্থীসকলে ।

ৰাজ্যৰ মুখ্যমন্ত্ৰী তথা মাজুলী সমষ্টিৰ বিধায়ক সৰ্বানন্দ সোণোৱালৰ হৈ নিৰ্বাচনী প্ৰচাৰ চলালে জনপ্ৰিয় অভিনেতা যতীন বৰাই । নামনি মাজুলীৰ বহু কেইখন গাঁৱত সমষ্টিটোৰ বিজেপি প্ৰাৰ্থী সৰ্বানন্দ সোণোৱালৰ হৈ প্ৰচাৰ চলায় অভিনেতাজনে ।

মঙলবাৰে গোলাঘাটত নিৰ্বাচনী প্ৰচাৰ চলাব মুখ্যমন্ত্ৰীগৰাকীয়ে । শেহতীয়াকৈ বিজেপিত যোগদান কৰি গোলাঘাট সমষ্টিৰ বাবে টিকট লাভ কৰা অজন্তা নেওগৰ হৈ প্ৰচাৰ চলাব মুখ্যমন্ত্ৰীগৰাকীয়ে । সেই উদ্দেশ্যে গোলাঘাট সমষ্টিৰ ফৰকাটিং হাইস্কুল খেলপথাৰত এক বিশাল সভাৰ আয়োজন কৰা হৈছে ।

২২নং তিনিচুকীয়া বিধানসভাৰ সমষ্টিত ভাৰতীয় জাতীয় কংগ্ৰেছ আৰু ৰাষ্ট্ৰীয় জনতা দলৰ মনোনীত প্ৰাৰ্থী হীৰা দেৱীৰ হৈ ৰাষ্ট্ৰীয় জনতা দলৰ সভাপতি তেজস্বী যাদৱে চলায় নিৰ্বাচনী প্ৰচাৰ ৷

মৰাণ সমষ্টিৰ বিধায়ক তথা বিজেপি প্ৰাৰ্থী চক্ৰধৰ গগৈৰ বিৰুদ্ধে গোচৰ তৰাৰ সিদ্ধান্ত অসম জাতীয় পৰিষদৰ ৷ সংবাদমেল আযোজন কৰি এই মন্তব্য অসম জাতীয় পৰিষদৰ ৷