সন্ধিয়া 5 বজাৰ দহটা শীৰ্ষ বাতৰি

সন্ধিয়া 5 বজাৰ দহটা শীৰ্ষ বাতৰি

আজি প্ৰাক্তন মুখ্য়মন্ত্ৰী তৰুণ গগৈ অবিহনে দহটা দিন পাৰ হ'ল ৷ ৰাজ্যৰ ভিন্ন প্ৰান্তৰ লগতে যোৰহাটৰ কুশল কোঁৱৰ মেম’ৰিয়েল ইনড’ৰ ষ্টেডিয়ামতো তৰুণ গগৈৰ স্মৃতিত আয়োজন কৰা হয় এক সৰ্বধৰ্মীয় সভা ।

বৃহস্পতিবাৰে দক্ষিণ তামিলনাডুৰ উপকূলীয় জিলাসমূহ 'বুৰেৱী' ঘূৰ্ণীবতাহে প্ৰভাৱিত কৰাৰ সম্ভাৱনা আছে বুলি চেন্নাইৰ আঞ্চলিক বতৰ বিজ্ঞান বিভাগে আগজাননী দিছে ।

তদন্তৰ নামত আৰক্ষীয়ে অভিযুক্তৰ ওপৰত চলোৱা নিৰ্যাতনৰ প্ৰকৃত ছবি নিৰীক্ষণৰ বাবে বুধবাৰে কেন্দ্ৰ, ৰাজ্য আৰু কেন্দ্ৰীয় শাসিত অঞ্চলৰ প্ৰতিখন আৰক্ষী থানাৰ লগতে CBI, ED, NIAৰ কাৰ্যালয়ত চিচি টিভি কেমেৰা সংস্থাপনৰ নিৰ্দেশ দিছে উচ্চতম ন্যায়ালয়ে ।

ৰঙাপৰাৰ কলাবিল গাঁৱত পঞ্চাশ বছৰীয়া এগৰাকী মহিলাক নৃশংস ভাৱে হত্যা ৷ হত্যাৰ লগত জড়িত থকাৰ সন্দেহত দুজন যুৱকক কৰায়ত্ত কৰিলে স্থানীয় ৰাইজে ৷ ঘটনাৰ লগত জড়িত আন এজন বৰ্তমানেও পলাতক ৷

তিনিচুকীয়াৰ কাকপথাৰৰ জ্যেষ্ঠ সাংবাদিক পৰাগ ভূঞাৰ ৰহস্যজনক মৃত্যুৰ বিষয় উত্থাপন হৈছে ৰাষ্ট্ৰসংঘৰ মজিয়াত । সাংবাদিকগৰাকীৰ মৃত্যু সন্দৰ্ভত ভাৰত চৰকাৰৰ পৰা সবিশেষ তথ্য বিচাৰিছে UNESCOৰ সংঞ্চালক প্ৰধান অ'ড্ৰে এজৌলেই ।

সচিবালয়ৰ সন্মুখত বৃহৎ আকাৰৰ চ্যুকাফাৰ প্ৰতিমূৰ্তি নিৰ্মাণ কৰাৰ কথা ঘোষণা কৰিলে মুখ্যমন্ত্ৰী সোণোৱালে ৷ ডিব্ৰুগড় জিলাৰ মৰাণৰ ধেমেচিত অসম চৰকাৰৰ সাংস্কৃতিক সঞ্চালকালয়ৰ উদ্যোগত অনুষ্ঠিত হয় কেন্দ্ৰীয় অসম দিৱস ৷

সদৌ অসম ছাত্ৰ সন্থাৰ তৰফৰ পৰা বিদায় সম্ভাষণ জনোৱা হ'ব সদ্য পদত্যাগী আছু নেতা লুৰিনজ্যোতি গগৈক ৷ গুৱাহাটী বিশ্ববিদ্যালয়স্থিত আছুৰ মুখ্য কাৰ্যালয়ত অনুষ্ঠিত হ'ব বিদায় সভা ।

সমাগত নিৰ্বাচনত কোনো কাৰণতে পলাশবাৰী সমষ্টি অগপক এৰি দিয়া নহ’ব বুলি হুংকাৰ প্ৰদান বিজেপি নেতৃত্বৰ ৷ বুধবাৰে দক্ষিণ কামৰূপ জিলা বিজেপিৰ দলীয় সভাত এই মন্তব্য প্ৰদান ৷

বাক্সাত ভয়ানক পথ দুৰ্ঘটনা ৷ দুৰ্ঘটনাত থিতাতে নিহত হয় প্ৰাত: ভ্ৰমণলৈ যোৱা কালিচৰণ তালুকদাৰ নামৰ এজন ব্যক্তি ৷ যাত্ৰীবাহী এখন বাছে খুন্দিওৱা ফলত সংঘটিত হয় পথ দুৰ্ঘটনাটো ৷

এখন স্থানীয় পাৰ্কত অনুশীনৰ কৰি আছে জুনিয়ৰ শাখাৰ বক্সাৰ সৰবজিৎ সিঙে ৷ কৰ’ণা মহামাৰীৰ সময়ছোৱাত বক্সিং ৰিঙত অনুশীলন কৰাৰ পৰা ব্যৰ্থ হৈ এই সিদ্ধান্ত গ্ৰহণ কৰা বুলি ইটিভি ভাৰতযোগে সদৰি কৰে সিঙে ৷