11 বজাৰ শীৰ্ষ বাতৰিসমূহ

11 বজাৰ শীৰ্ষ বাতৰিসমূহ

আজি দেশৰ 74 সংখ্যক স্বাধীনতা দিৱস ৷ স্বাধীনতা দিৱস উপলক্ষে ৰাজধানী দিল্লীত আয়োজন কৰা হৈছে স্বাধীনতা দিৱসৰ কাৰ্যসূচী ৷ লালকিল্লাত স্বাধীনতা দিৱসৰ পতাকা উত্তোলন কৰিব প্ৰধানমন্ত্ৰী নৰেন্দ্ৰ মোডীয়ে ৷ ক্ষন্তেক পিছতে ৰাজঘাটত উপস্থিত হ’ব প্ৰধানমন্ত্ৰী মোডী ৷

কৰিমগঞ্জত সীমিত কাৰ্যসূচীৰে পালন কৰা স্বাধীনতা দিৱসৰ অনুষ্ঠানত পতাকা উত্তোলন কৰিলে বনমন্ত্ৰী পৰিমল শুক্লবৈদ্যই ৷

ৰাজ্যৰ ভিন্ন প্ৰান্তৰ লগতে নলবাৰী আৰু নগাঁৱতো সীমিত কাৰ্যসূচীৰে পালন কৰা হ'ল 74 সংখ্যক স্বাধীনতা দিৱস ৷ নলবাৰীত জিলা উপাযুক্ত পুৰবী কোঁৱৰে স্বাধীনতা দিৱসৰ পতাকা উত্তোলন কৰাৰ বিপৰীতে, নগাঁৱত উত্তোলন কৰিলে মন্ত্ৰী পিযুষ হাজৰিকাই ৷

বৰপেটাত স্বাধীনতা দিৱসৰ পতাকা উত্তোলন কৰে মন্ত্ৰী সিদ্ধাৰ্থ ভট্টাচাৰ্যই ৷ একেদৰে কলগাছিয়াতো ৰাজহুৱা খেলপথাৰত সামাজিক দূৰত্ব বজাই ৰাখি স্বাধীনতা দিৱসৰ পতাকা উত্তোলন কৰে ভাৰপ্ৰাপ্ত মহকুমাধিপতি অজিত কলিতাই ৷

আছুৱে 6 নং দফাৰ প্ৰতিবেদন ৰাজহুৱা কৰা কাৰ্যক অন্যায় তথা বেআইনী আখ্যা প্ৰদীপ দত্ত ৰয়ৰ ৷ আছুৱে যদি জাতীয়তাবাদ ধৰি ৰাখে আৰু অসম চুক্তিৰ ছয় নং ধাৰা যদি বাস্তবায়িত হয় তেন্তে অসম খণ্ড-বিখণ্ড হৈ যাব বুলি বিস্ফোৰক ভাষ্য প্ৰদান কৰে প্ৰদীপ দত্ত ৰয়ে ৷

মে’ মাহৰ 1 তাৰিখৰ পৰা আনুষ্ঠানিকভাৱে বিদ্যালয় আৰম্ভ নোহোৱা পৰ্যন্ত ব্যক্তিগত খণ্ডৰ বিদ্যালয় সমূহক শিক্ষাৰ্থীৰ মাহেকীয়া মাচুল 25 শতাংশ ৰেহাই দিবলৈ পৰামৰ্শ শিক্ষামন্ত্ৰীৰ ৷

গৰাকী স্থানীয় ব্যক্তি ছিদ্দিকে কয় যে, ‘পাকিস্তানী সেনাই নিৰীহ লোকসকলক হত্যা কৰিছে কাৰণ ভাৰতীয় সেনাৰ সৈতে মোকাবিলা কৰাৰ ক্ষমতা তেঁওলোকৰ নাই ৷ ভাৰতীয় সেনাই প্ৰয়োজনৰ সময়ত আমাৰ কাষত আহি উপস্থিত হয় ৷’

বিদেশৰ যিকোনো স্থানতে হওঁক, ভাৰতীয় বা ভাৰতীয় মূলৰ কোনো লোকৰ সফলতাক গৌৰৱেৰে আঁকোৱালি লোৱাটো ভাৰত চৰকাৰৰ এক প্ৰকাৰৰ পৰম্পৰালৈ পৰিগণিত হৈছে । আমেৰিকাৰ ৰাজনৈতিক দলৰ পৰা উপ-ৰাষ্ট্ৰপতিৰ নিৰ্বাচনত মনোনয়ন লাভ কৰা প্ৰথমগৰাকী কৃষ্ণাংগ মহিলা তথা ভাৰতীয় মূলৰ প্ৰথমগৰাকী লোক হিচাপে কমলা হেৰিছকলৈ ভাৰত চৰকাৰে নীৰৱতা অৱলম্বন কৰাটো আশ্চৰ্যকৰ ।

মহামাৰীয়ে শ্ৰম বজাৰত এক অভূতপূৰ্ৱ আঘাত হানিছে ৷ আনফালে লক ডাউনে প্ৰায় সমস্ত অৰ্থনৈতিক কাম-কাজ সমূলি স্তব্ধ কৰি পেলাইছে ৷ কিন্তু আটাইতকৈ বেছি ক্ষতিগ্ৰস্ত হোৱাসকল হ’ল, পিৰামিডৰ একেবাৰে তলৰ শাৰীত থকাসকল ৷ বিশেষকৈ প্ৰৱজ্জনকাৰী বনুৱাসকল ৷ এই মহামাৰীয়ে অসংগঠিত বনুৱাসকলৰ পৰা ব্যাপক হাৰত সংস্থাপন আৰু উপাৰ্জনৰ পথবোৰ কাঢ়ি লৈ গ’ল ৷ সংস্থাপনহীনতা ২০২০ চনৰ মাৰ্চ মাহৰ ৮.৪ শতাংশৰ পৰা বাঢ়ি গৈ এপ্ৰিল আৰু মে’ত ২৭ শতাংশ হয়গৈ ৷ যাৰ ফলশ্ৰুতিত ১২২ মিলিয়নে সংস্থাপন হেৰুৱাই ৷

লক ডাউনৰ ফলত ক্ষতিগ্ৰস্ত হৈছে ৰাজ্য়ৰ থলুৱা কাপোৰৰ ব্যৱসায়ী সকল ৷ থলুৱাভাবে উৎপাদিত কাপোৰৰে বিশ্বৰ বজাৰ দখল কৰিবলৈ সক্ষম হোৱা এই সকল ব্যৱসায়ী বৰ্তমান তীব্ৰ আৰ্থিক সংকটত ভুগিব লগা হৈছে ৷