এক বজাৰ শীৰ্ষ দহটা বাতৰি...

এক বজাৰ শীৰ্ষ দহটা বাতৰি...

বিহাৰৰ বিধানসভা নিৰ্বাচনৰ পূৰ্বেই বিজেপি নিয়োজিত হৈছে ভেকচিনৰ ৰাজনীতিত ৷ যিটো সময়ত সমগ্ৰ বিশ্বই কোভিডৰ ভেকচিনৰ বাবে যুঁজি আছে, এনে অৱস্থাত একমাত্ৰ নিৰ্বাচনত জয়লাভৰ বাবে বিজেপিয়ে বিহাৰতে একমাত্ৰ ভেকচিন প্ৰদান কৰিব বুলি ঘোষণা কৰা কাণ্ডই এতিয়া সকলোৰে চকু কপালত তুলিছে ৷ বিজেপিয়ে বিহাৰৰ বিধানসভা নিৰ্বাচনৰ ইস্তাহাৰ প্ৰকাশ কৰি এই কথা প্ৰকাশ কৰিছে ৷

ডেম'ক্ৰেটিক দলৰ উপ-ৰাষ্ট্ৰপতি পদৰ প্ৰাৰ্থী কমলা হেৰিছে বৰ্তমানৰ ৰাষ্ট্ৰপতি ডনাল্ড ট্ৰাম্পক কোভিড-19 আৰু অৰ্থনৈতিক মন্দাৱস্থাৰ বাবে সমালোচনা কৰে ৷

শাৰদীয় দুৰ্গোৎসৱতো আৰ্থিক লগ এৰা নাই টেণ্ট হাউচ আৰু শব্দ যন্ত্ৰৰ স্বত্বাধিকাৰী তথা কৰ্মীসকলক ৷ ক’ভিড প্ৰট’কল মানি পূজাৰ আয়োজন কৰাৰ বাবে পূৰ্বৰ দৰে অৰ্ডাৰ লাভ কৰা নাই স্বত্বাধিকাৰীসকলে ৷ সেয়েহে মূৰে-কপালে হাত দিয়ে এইসকল দুৰ্ভগীয়া ব্যৱসায়ীয়ে ৷

বাক্সাত ইউ পিপি এল দলৰ কেন্দ্ৰীয় সমিতিৰ নিৰ্দেশ মৰ্মে আৰম্ভ হয় পদযাত্ৰা ৷ বিটিআৰৰ ৪০ টা পৰিষদীয় সমষ্টিত ইউ পি পি এল দলে বিভিন্ন পৰিষদীয় সমষ্টিৰ গাঁৱে-গাঁৱে পদযাত্ৰা কৰি আছে ৷ বুধবাৰৰ পৰা আৰম্ভ হয় এই পদযাত্ৰা ৷

বঙাইগাঁও জিলাৰ নৰ্থ বইটামাৰী গাওঁ পঞ্চায়তত চৰকাৰী আঁচনিৰ কামৰ ৰূপায়নত নিম্নমানৰ কাম । পঞ্চায়তত ভেণ্ডৰে অতি নিম্নমানৰ কাম কৰাৰ বিৰোধ কৰাৰ বাবে দুই যুৱকৰ বিৰুদ্ধে এজাহাৰ ৷ জেললৈ প্ৰেৰণ ৷

ধেমাজিত অৰুণোদয় আঁচনিৰ নামত দুৰ্নীতিৰ সংঘটিত কৰাৰ অভিযোগ ৷ চমৰাজান পঞ্চায়তৰ সভাপতি আৰু সচিবৰ বিৰুদ্ধে বুধবাৰে লিখিত অভিযোগ দাখিল সন্মিলিত যুৱ বিকাশ অসমৰ ৷ শীঘ্ৰেই প্ৰকৃত হিতাধিকাৰীক আঁচনিত অন্তৰ্ভুক্ত কৰিবলৈ আহ্বান সংগঠনটোৰ ৷

নাছাৰ মহাকাশচাৰী Chris Cassidy,Roscosmos' Anatoly Ivanishin আৰু Ivan Vagnerয়ে International Space Stationৰ ছমাহ অভিযান সম্পূৰ্ণ হোৱাৰ পাচত বৃহস্পতিবাৰে পুৱা 7.54 বজাত নিৰাপদে পৃথিৱীত প্ৰৱেশ কৰে ৷

বিগত কেইবা বছৰ ধৰি ৱাকফ বোৰ্ডৰ ৰাজহ সংগ্ৰহত গুৰুত্ব প্ৰদান কৰা নাছিল বোৰ্ডে। পূৰ্বৰ বোৰ্ডৰ অধ্যক্ষ নেকিবুৰ জামানৰ দিনটো ৰাজহ সংগ্ৰহৰ ক্ষেত্ৰত বহু খেলিমেলি হৈছিল।

মৰাণৰ ডিমৌ নৈত মাছৰ উজান ৷ এক আনন্দ-উল্লাহেৰে গাঁওবাসীয়ে নৈত নামি মাছ ধৰা পৰিলক্ষিত হৈছে ৷

যোৰহাটত উদ্ধাৰ অচিনাক্ত মৃতদেহ ৷ স্থানীয় ৰাইজে মেটেকাৰে আৱৰা পুখুৰীৰত এটাত প্ৰত্যক্ষ কৰে মৃতদেহটো |