এক বজাৰ শীৰ্ষ দহটা বাতৰি

এক বজাৰ শীৰ্ষ দহটা বাতৰি

জজ খেলপথাৰত ৰাষ্ট্ৰীয় পতাকা উত্তোলন কৰে মুখ্যমন্ত্ৰী সৰ্বানন্দ সোণোৱালে ৷ পুৱা 9 বজাৰ লগে লগে মুখ্যমন্ত্ৰী সৰ্বানন্দ সোণোৱালে ৰাষ্ট্ৰীয় পতাকা উত্তোলন কৰে । অসম চৰকাৰ আৰু কামৰূপ মহানগৰ প্ৰশাসনৰ উদ্যোগত কেন্দ্ৰীয়ভাৱে উদযাপন কৰা হয় স্বাধীনতা দিৱস ৷

সমগ্ৰ ৰাজ্যজুৰি পালন কৰা হৈছে দেশৰ 74 সংখ্যক স্বাধীনতা দিৱস ৷ সেই উপলক্ষে ৰাজ্যৰ ভিন্ন প্ৰান্তত অনুষ্টুপীয়া কাৰ্যসূচীৰে পালন কৰা হৈছে দিৱসটো ৷ কৰ’ণা ভাইৰাছৰ সংক্ৰমণৰ প্ৰতি লক্ষ্য ৰাখি সীমিত সংখ্যক কাৰ্যসূচীৰে এইবৰ্ষৰ স্বাধীনতা দিৱসটো পালন কৰা হৈছে ৷

শুকুৰবাৰে মন্ত্ৰী পিযুষ হাজৰিকাৰ এটা মন্তব্যই জোকাৰণিৰ সৃষ্টি কৰাৰ পাচতেই সেই মন্তব্য সন্দৰ্ভত শনিবাৰে নগাঁৱৰ স্বাধীনতা দিৱসৰ কাৰ্যসূচীত অংশগ্ৰহণ কৰাৰ পাচত স্পষ্টীকৰণ দিলে মন্ত্ৰী পিযুষ হাজৰিকাই ৷

নাগৰিকত্ব সংশোধনী আইন বাতিলৰ দাবীৰে স্বাধীনতা দিৱসৰ দিনটোতে নাজিৰাত 10 ঘণ্টীয়া অনশনত বহিল নাজিৰা মহকুমা ছাত্ৰ সন্থা ৷

বিলাসীপাৰা মহকুমা প্ৰশাসনৰ সৌজন্যত বিলাসীপাৰাৰ ৰাজহুৱা খেল পথাৰত অনুষ্ঠিত কৰা হ'ল স্বাধীনতা দিৱস ৷ আনহাতে আমিনগাঁৱৰ জলাহ খেল পথাৰতো পালন কৰা হ'ল স্বাধীনতা দিৱস ৷ বিলাসীপাৰাত মহকুমাধিপতি মৃদুল যাদৱে পতাকা উত্তোলন কৰাৰ বিপৰীতে আমিনগাঁৱত পতাকা উত্তোলন কৰে কামৰূপ জিলাৰ উপায়ুক্ত কৈলাশ কাৰ্তিক এনে ৷

শিৱসাগৰত স্বাধীনতা দিৱসৰ পতাকা উত্তোলন কৰে মন্ত্ৰী চন্দ্ৰমোহন পাটোৱাৰীয়ে লগতে নাজিৰাত স্বাধীনতা দিৱসৰ পতাকা উত্তোলন কৰে নাজিৰাৰ মহকুমাধিপতি সম্প্ৰীতি গোস্বামীয়ে ৷

আজি দেশৰ 74 সংখ্যক স্বাধীনতা দিৱস ৷ স্বাধীনতা দিৱস উপলক্ষে ৰাজধানী দিল্লীত আয়োজন কৰা হৈছে স্বাধীনতা দিৱসৰ কাৰ্যসূচী ৷ লালকিল্লাত স্বাধীনতা দিৱসৰ পতাকা উত্তোলন কৰিব প্ৰধানমন্ত্ৰী নৰেন্দ্ৰ মোডীয়ে ৷ ক্ষন্তেক পিছতে ৰাজঘাটত উপস্থিত হ’ব প্ৰধানমন্ত্ৰী মোডী ৷

ৰঙিয়া মহকুমা প্ৰশাসনৰ উদ্যোগত ৰঙিয়া উচ্চতৰ মাধ্যমিক বিদ্যালয় খেল পথাৰত কেন্দ্ৰীয়ভাৱে উদযাপন কৰা স্বাধীনতা দিৱসৰ পতাকা উত্তোলন কৰিলে, ৰঙিয়া মহকুমাৰ মহকুমাধিপতি ডঃ বেদাংগ তালুকদাৰে ৷

টীয়কত স্বাধীনতা দিৱসৰ পুৱা কভিড-১৯ আৰু স্বাস্থ্য সজাগতা চাইকেল ৰেলী ৷ প্ৰথম, দ্বিতীয় আৰু তৃতীয় স্থানপ্ৰাপ্তক বঁটা প্ৰদানৰ লগতে সকলো অংশগ্ৰহণকাৰীকে প্ৰদান কৰা হয় মানপত্ৰ ৷

কৰিমগঞ্জত সীমিত কাৰ্যসূচীৰে পালন কৰা স্বাধীনতা দিৱসৰ অনুষ্ঠানত পতাকা উত্তোলন কৰিলে বনমন্ত্ৰী পৰিমল শুক্লবৈদ্যই ৷