গুৱাহাটী, ১৬ মাৰ্চ: হিন্দুত্ববাদী নেতা প্ৰবীণ ভাই টোগাডিয়াৰ নতুন ৰাজনৈতিক দল হিন্দুস্তান নিৰ্মান দলে সংকটত পেলোৱাৰ আশংকা কৰা হৈছে গেৰুৱা দল বিজেপিক । হিন্দুস্তান নিৰ্মান দলে আগন্তক লোকসভা নিৰ্বাচনত সমগ্ৰ দেশৰ লগতে অসমতো প্ৰাৰ্থীত্ব প্ৰদান কৰিব । অতি শীঘ্ৰে দলটোৱে অসমত কেইখন সমষ্টিত প্ৰাৰ্থীত্ব প্ৰদান কৰিব তাৰো ঘোষণা কৰা হ'ব ।
TOGADIA'S NEW PARTY HINDUSTAN NIRMAN PARTY
লোকসভা নিৰ্বাচনক লৈ অনুষ্ঠিত এক ৰাজহুৱা সভাত দলটোৰ নেতা মহাবিৰে বিজেপিক তীব্ৰ সমালোচনা কৰি কয় যে নৰেন্দ্ৰ মোদীয়ে হিন্দুৰ স্বাৰ্থ ৰক্ষা কৰাৰ লগতে ৰাম মন্দিৰ নিৰ্মাণৰ আশ্বাস প্ৰদান কৰি ক্ষমতালৈ আহিছিল যদিও প্ৰধানমন্ত্ৰী হোৱাৰ পাছত মন্দিৰ নিৰ্মাণৰ কথা পাহৰি পেলায় । হিন্দুৰ স্বাৰ্থ ৰক্ষাৰ বাবে এই নতুন ৰাজনৈতিক দলটোৰ গঠন কৰা হৈছে বুলি মহাবিৰে মন্তব্য কৰে ।
