গুৱাহাটী, ৯ নৱেম্বৰ : দেশত বিশ্বকাপ ক্ৰিকেটৰ জ্বৰ অব্যাহত থকাৰ মাজতে অসমৰ ক্ৰিকেট প্ৰেমীসকলকৰ বাবে এক সুখবৰ আহিছে । অহা ২৮ নৱেম্বৰত গুৱাহাটীৰ বর্ষাপাৰা ষ্টেডিয়ামত অনুষ্ঠিত হ'ব ভাৰত-অষ্ট্ৰেলিয়াৰ মাজত টি-২০ শৃংখলাৰ এখন মেচ । উক্ত মেচখনৰ বাবে আয়োজক অসম ক্ৰিকেট সন্থাই বৃহস্পতিবাৰৰ পৰা টিকট বিক্ৰীৰ ব্যৱস্থা কৰিছে ।
উল্লেখযোগ্য যে এদিনীয়া বিশ্বকাপৰ সামৰণিৰ পাচতেই ২৩ নৱেম্বৰৰ পৰা আৰম্ভ হ’ব ভাৰত-অষ্ট্ৰেলিয়াৰ মাজত পাঁচখনীয়া টি-২০ শৃংখলা । উক্ত শৃংখলাৰ তৃতীয়খন মেচ ২৮ নৱেম্বৰত গুৱাহাটীৰ বর্ষাপাৰা ষ্টেডিয়ামত অনুষ্ঠিত হ'ব । মেচখনৰ বাবে আয়োজক অসম ক্ৰিকেট সন্থাই বৃহস্পতিবাৰৰ পৰা টিকট বিক্ৰীৰ ব্যৱস্থা কৰিছে বুলি অসম ক্ৰিকেট সন্থাৰ সভাপতি তৰংগ গগৈয়ে 'এক্স' ( টুইটাৰ) যোগে প্ৰকাশ কৰিছে ।
-
🏏Brace yourselves for the epic T20 International Cricket match:🇮🇳India vs. 🇦🇺 Australia on Nov 28 at ACA Stadium, Ghy
— Taranga Gogoi (@tarangagogoi) November 8, 2023 " class="align-text-top noRightClick twitterSection" data="
Tickets will go live on Book My Show from tomorrow 9 a.m.
Prices:
Students - Rs 500,
General - Rs 750-Rs 4000
Secure your spot and witness the live action. pic.twitter.com/x9YvcM7R4t
">🏏Brace yourselves for the epic T20 International Cricket match:🇮🇳India vs. 🇦🇺 Australia on Nov 28 at ACA Stadium, Ghy
— Taranga Gogoi (@tarangagogoi) November 8, 2023
Tickets will go live on Book My Show from tomorrow 9 a.m.
Prices:
Students - Rs 500,
General - Rs 750-Rs 4000
Secure your spot and witness the live action. pic.twitter.com/x9YvcM7R4t🏏Brace yourselves for the epic T20 International Cricket match:🇮🇳India vs. 🇦🇺 Australia on Nov 28 at ACA Stadium, Ghy
— Taranga Gogoi (@tarangagogoi) November 8, 2023
Tickets will go live on Book My Show from tomorrow 9 a.m.
Prices:
Students - Rs 500,
General - Rs 750-Rs 4000
Secure your spot and witness the live action. pic.twitter.com/x9YvcM7R4t
তৰংগ গগৈয়ে সদৰী কৰা মতে বৃহস্পতিবাৰৰ পুৱা ৯ বজাৰ পৰা বুক মাই শ্ব’ত দর্শকৰ বাবে টিকট উপলব্ধ হৈছে । টিকটৰ মূল্য ছাত্ৰ-ছাত্ৰীৰ বাবে ৫০০ টকা । সাধাৰণ দৰ্শকৰ বাবে সৰ্বনিম্ন ৭৫০ টকাৰ পৰা সৰ্বাধিক ৪ হেজাৰ টকা । গেলেৰী অনুসৰি টিকটৰ মূল্য ৭৫০, ১৫০০, ২০০০, ৩০০০ আৰু ৪০০০ টকা ।
উল্লেখ্য যে উক্ত মেচখনৰ বাবে মেথিউ ৱেডৰ নেতৃত্বত অষ্ট্ৰেলিয়াই ইতিমধ্যে দল ঘোষণা কৰিছে । ভাৰতীয় দলটো এতিয়াও ঘোষণা কৰা হোৱা নাই ৷ আনহাতে উক্ত শৃংখলাত বর্তমান বিশ্বকাপত খেলি থকা অধিকাংশ খেলুৱৈকে বিশ্ৰাম দিয়া হ'ব । এছিয়ান গেমছত স্বর্ণ পদকজয়ী দলৰ অধিকাংশই সুযোগ পোৱাৰ সম্ভাৱনা আছে । এবছৰ বিৰতিৰ মূৰত উভতিব ভুবনেশ্বৰ কুমাৰ । অহা বৰ্ষত অনুষ্ঠিত হ'বলগীয়া টি-২০ বিশ্বকাপৰ প্ৰতি লক্ষ্য ৰাখিয়েই ভাৰতীয় দল গঠন কৰা হ'ব ।
লক্ষ্যনীয় যে শেহতীয়াকৈ চৈয়দ মুস্তাক আলী ট্ৰফীত দুৰ্দান্ত খেল প্ৰদৰ্শন কৰি সকলোৰে দৃষ্টি আকৰ্ষণ কৰা অসম সন্তান ৰিয়ান পৰাগে ভাৰত-অষ্ট্ৰেলিয়াৰ মাজত পাঁচখনীয়া টি-২০ শৃংখলাত ভাৰতীয় দলৰ হৈ খেলাৰ সুযোগ পোৱাৰ সম্ভৱনা আছে । উল্লেখ্য যে ইতিমধ্যে বিশ্বকাপ ক্ৰিকেটৰ তিনিখনকৈ প্ৰস্তুতি মেচ গুৱাহাটীৰ বর্ষাপাৰা ষ্টেডিয়ামত অনুষ্ঠিত হৈ গৈছে । বৰষুণে কিছু বিধি পথালি দিলেও মেচকেইখন সুকলমে অনুষ্ঠিত হৈ গৈছে ।
ইতিমধ্যে খেলখনৰ বাবে গুৱাহাটীৰ বর্ষাপাৰা ষ্টেডিয়ামৰ বাহিৰে-ভিতৰে সকলো যাৱতীয় কাম-কাজ অব্যাহত ৰাখিছে । বিভিন্ন কাৰণত বিশ্বকাপ ক্ৰিকেটৰ মূল খেলসমূহ অনুষ্ঠিত নহ'লেও ভাৰত-অষ্ট্ৰেলিয়াৰ মাজত টি-২০ শৃংখলাৰ এখন মেচ গুৱাহাটীৰ বর্ষাপাৰা ষ্টেডিয়ামত অনুষ্ঠিত হোৱাকলৈ অসমৰ ক্ৰিকেটপ্ৰেমীসকল উৎসাহিত হোৱা পৰিলক্ষিত হৈছে ।
লগতে পঢ়ক : CWC 2023 : আজি নক আউট পৰ্যায়ৰ বাবে অন্তিম টিকট বিক্ৰী
