গুৱাহাটী, ১০ অক্টোবৰ: নুনমাটি আৰক্ষীয়ে অভিযান চলাই দেওবাৰে নিশা ৪ জনক গভাইত চোৰক গ্ৰেপ্তাৰ (Thief arrested at Guwahati) কৰে । আৰক্ষীৰ জালত পৰা চোৰকেইটা হৈছে নুনমাটিৰ মাজু আলী, ফাজল আলী,বাইহাটা চাৰিআলি মুক্তাপুৰৰ মহম্মদ আব্দুল আলী আৰু পঞ্জাবাৰী বিষ্ণু নগৰৰ মহম্মদ লিটন আলী ।
উল্লেখ্য যে, যোৱা ৮ আগষ্টত নুনমাটিৰ নিজৰাপাৰৰ (Theft in Noonmati of Guwahati) তাৰা বেগম নামৰ এগৰাকী মহিলাৰ ঘৰৰ পৰা দুই লক্ষাধিক টকাৰ সোণৰ অলংকাৰ লুটি নিছিল মাজু আলী আৰু ফাজল আলীয়ে । উক্ত ঘটনা সন্দৰ্ভত মহিলাগৰাকীয়ে যোৱা ৮ আগষ্টত নুনমাটি আৰক্ষী থানাত (Noonmati Police Station) এজাহাৰ দাখিল কৰে ।
এই এজাহাৰৰ ভিত্তিত নুনমাটি আৰক্ষীয়ে বিগত এমাহ ধৰি অভিযান চলাই অৱশেষত যোৱা নিশা চোৰকেইজনক গ্ৰেপ্তাৰ কৰিবলৈ সক্ষম হয় । অভিযানৰ সময়ত ধৃত চোৰকেইজনৰ পৰা নুনমাটি আৰক্ষীয়ে চুৰি হোৱা সোণৰ চেইন,আঙুঠি, কাণফুলি আদিকে ধৰি বহু সামগ্ৰী উদ্ধাৰ কৰিছে । চোৰকেইজনক আৰক্ষীয়ে সোমবাৰে আদালতত হাজিৰ কৰোৱাত আদালতে আটাইকেইজনক জেললৈ প্ৰেৰণ কৰে ।
লগতে পঢ়ক:ড্ৰাগছৰ ব্যৱসায় কৰি ৰঙিয়া আৰক্ষীৰ জালত পৰিছে আইতাক-নাতিয়েক
