গুৱাহাটী,12 ডিচেম্বৰঃ শনিবাৰে মহানগৰীৰ মালিগাঁৱত আটক হয় এটা দুৰ্ধৰ্ষ চোৰ । সামগ্ৰী কঢ়িওৱা বাহনৰ পৰা চুৰি কৰিব লওঁতেই হাতে-লোটে ৰাইজে ধৰে চোৰটোক । মালিগাঁও ১নং গেটত AS-13C2605 নম্বৰৰ বাহনত চুৰিকাণ্ড সংঘটিত কৰাৰ অপচেষ্টা কৰিছিল ৰাণা দে নামৰ পাণ্ডুৰ এটা চোৰে । পথচাৰীয়ে প্ৰত্যক্ষ কৰি বাহনখনৰ গৰাকীক জনায় । ইপিনে স্থানীয় ৰাইজৰ সহযোগত হাতে লোটে কৰায়ত্ব কৰে চোৰটোক । উল্লেখযোগ্য যে, টফিজুল হুছেইন নামৰ লোকজনৰ সামগ্ৰী কঢ়িওৱা বানৰ পৰায়ে চুৰি কৰিব লৈছিল ৰাণা দে নামৰ চোৰটোৱে।
ইফালে যানবাহন আৰক্ষীৰ সহযোগত জালুকবাৰী আৰক্ষী থানাত গটাই দিয়া হয় চোৰটোক । সম্প্ৰতি ঘটনা সন্দৰ্ভত জালুকবাৰী আৰক্ষীয়ে তদন্ত অব্যাহত ৰাখিছে ।
লগতে পঢ়কঃ CAA আন্দোলন : এবছৰৰ পাচতো নিৰ্বিকাৰ শাসনৰ গাদীত অধিষ্ঠিতসকল
