গুৱাহাটী, 29 ছেপ্তেম্বৰঃ অসম সৰ্বশিক্ষা অভিযানৰ এখন জাননীয়ে হাহাকাৰৰ সৃষ্টি কৰিছে সদৌ অসম প্ৰাথমিক টেট উত্তীৰ্ণ ঠিকাভিত্তিক শিক্ষক সকলৰ মাজত ৷ সৰ্বশিক্ষা মিছনৰ বিশেষ কৰ্তব্যৰত বিষয়া কৃষ্ণা বৰুৱাই জাৰি কৰা এক জাননী মৰ্মে চলিত বৰ্ষৰ ২০ অক্টোবৰৰ ভিতৰত নতুন চুক্তিপত্ৰত স্বাক্ষৰ কৰিব লাগিব ৰাজ্যৰ টেট উত্তীৰ্ণ শিক্ষকসকলে ৷ এই চুক্তি অনুসৰি ঠিকাভিত্তিক শিক্ষসকলক চলিত বৰ্ষৰ 1 জুলাইৰ পৰা নতুন কৰ্মচাৰী হিচাপে গণ্য কৰা হ’ব ৷ আনহাতে, এই নতুন চুক্তিপত্ৰত চাক্ষৰ নকৰিলে শিক্ষকসকলক দৰমহা আদায় দিয়া বন্ধ কৰা হ’ব বুলিও উল্লেখ কৰা হৈছে ৷
এই জাননীখনে এতিয়া হাহাকাৰ অৱস্থাৰ সৃষ্টি কৰিছে ৰাজ্যৰ ঠিকাভিত্তিক শিক্ষকসকলৰ মাজত ৷ এই চুক্তিপ্ৰত্ৰ অনুসৰি ঠিকাভিত্তিক শিক্ষকসকলে এতিয়াৰে পৰা মৰগীয়া বানচ, চাকৰি নিয়মীয়াকৰণ, আৰু বৰ্ধিত গ্ৰেড পেৰ দাবী উত্থাপন কৰিব নোৱাৰিব ৷
