গুৱাহাটী, 4 ফেব্ৰুৱাৰীঃ সোমবাৰে নিশা শেষ নিশ্বাস ত্যাগ কৰা কংগেছী বিধায়ক তথা অসম বিধানসভাৰ প্ৰাক্তন অধ্যক্ষ প্ৰণৱ গগৈৰ নশ্বৰ দেহ মঙলবাৰে লৈ অনা হয় কংগ্ৰেছৰ মূখ্য কাৰ্যালয় ৰাজীৱ ভৱনলৈ ৷ ৰাজীৱ ভৱনত প্ৰাক্তন মুখ্যমন্ত্ৰী তৰুণ গগৈৰ লগতে উপস্থিত থাকে আন জেষ্ঠ্য কংগ্ৰেছী নেতা সকল ৷ প্ৰাক্তন মূখ্যমন্ত্ৰীৰ লগতে আন আন নেতা সকলে অন্তিম শ্ৰদ্ধাঞ্জলি জ্ঞাপন কৰে একালৰ সতীৰ্থগৰাকীক ৷ বৰ্ষীয়ান কংগ্ৰেছী নেতাগৰাকীক হেৰুৱাই আবেগিক হৈ পৰে প্ৰাক্তন মুখ্যমন্ত্ৰী তৰুণ গগৈ ৷
১৯৩৬ চনত ডিব্ৰুগড় জিলাত জন্ম লাভ কৰা প্ৰণৱ গগৈ শিৱসাগৰ বিধানসভা সমিষ্টিৰ পৰা চাৰিবাৰকৈ বিধায়ক হিচাপে নিৰ্বাচিত হৈছিল । ২০০৬ চনৰ পৰা ২০১১ চনলৈ তৰুণ গগৈ চৰকাৰৰ অইন মন্ত্ৰীও আছিল প্ৰণৱ গগৈ । ইয়াৰ পিছতে 2011 চনৰ পৰা 2016 চনৰলৈ অসম বিধানসভাৰ অধ্যক্ষ পদত অধিষ্ঠিত হৈছিল ৷
লগতে পঢ়কঃ অসম বিধানসভাৰ প্ৰাক্তন অধ্যক্ষ প্ৰণৱ গগৈৰ দেহাৱসান
যোৱা কিছুদিনৰ পৰা অসুস্থ হৈ থকা প্ৰণৱ গগৈক সোমবাৰে দুপৰীয়াৰ ভাগত চিকিৎসালয়ত ভৰ্তি কৰোৱা হৈছিল যদিও নিশা ১০.৪০ মিনিটত শেষ নিশ্বাস ত্যাগ কৰে কংগ্ৰেছী নেতা গৰাকীয়ে । মৃত্যুৰ সময়ত প্ৰণৱ গগৈয়ে পত্নী মোহিনী গগৈৰ লগতে তিনি পুত্ৰ আৰু বহু আত্মীয় এৰি থৈ যায় । মুখ্যমন্ত্ৰী সৰ্বানন্দ সোণোৱালে অসম বিধানসভাৰ প্ৰাক্তন অধ্যক্ষ গৰাকীৰ শেষকৃত্য ৰাজ্যিক মৰ্যাদাৰ সম্পন্ন কৰিবলৈ মুখ্য সচিবক নিৰ্দেশ প্ৰদান কৰিছে ।
