গুৱাহাটী, 3 ডিচেম্বৰঃ শুকুৰবাৰে মহানগৰীৰ লাষ্টগেটস্থিত হোটেল ৰিভাইৰাত অসম প্ৰদেশ কংগ্ৰেছৰ সংবাদমেল সম্বোধন ৷ উক্ত সংবাদমেলত কংগ্ৰেছৰ প্ৰাক্তন মুখ্যমন্ত্ৰী তৰুণ গগৈ, বিৰোধী দলৰ সভাপতি দেৱব্ৰত শইকীয়া, অসম প্ৰদেশ কংগ্ৰেছৰ সভাপতি ৰিপুন বৰা, বিধায়ক ৰকিবুল হুছেইন তথা অজন্তা নেওগ উপস্থিত থাকে । সৰ্বানন্দ সোণোৱালক জাতীয় শত্ৰু আখ্যা তৰুণ গগৈৰ ৷ ৰাইজৰ কথা নুশুনি একনায়কত্ববাদ চলাই আছে বুলি কটাক্ষ কৰে গগৈয়ে ৷
আনহাতে, চৰকাৰ গঠন হোৱাৰ পূৰ্বে বিদেশী খেদিম বুলি কোৱা ভাৰতীয় জনতা পাৰ্টিয়ে বিদেশীক এতিয়া ৰঙা দলিচা পাৰি দিছে । 1971 ৰ পিচত অহা সকলো বিদেশীক চিনাক্ত কৰি অসমৰ পৰা বহিস্কাৰ কৰিব লাগে আৰু বিজেপিয়ে সদায় দুমুখীয়া স্থিতি লৈছে বুলি প্ৰাক্তন মুখ্যমন্ত্ৰীগৰাকীয়ে উল্লেখ কৰে ৷
তাৰোপৰি বিজেপিৰ ৰাজ্যিক সভাপতি ৰঞ্জিৎ দাসক প্ৰাক্তন মুখ্যমন্ত্ৰী তৰুণ গগৈয়ে প্ৰত্যাহ্বান জনাই কয় যে সাহস আছে যদি 2021 চনত নিজ সমষ্টিৰ পৰা ৰঞ্জিৎ দাস জিকি আহক । আনহাতে হিমন্ত বিশ্ব শৰ্মা সন্দৰ্ভত গগৈয়ে কয় যে হিমন্ত পুনৰ মোৰ কাষলৈ নাহে বুলি নকওঁ । হিমন্তই কেতিয়া কি কৰে ঠিক নাই ৷ লগতে 2021ত ৰাজ্যত কংগ্ৰেছে চৰকাৰ গঠন কৰিবই বুলি প্ৰকাশ কৰে তৰুণ গগৈয়ে ।
আৰু পঢ়কঃ গৰিয়া-মৰিয়া,দেশীসকলৰ লোকপিয়লৰ বাবে চৰকাৰক আহ্বান বিজেপি নেতা মমিনুল আৱালৰ
