গুৱাহাটী,9 মে’ঃ তেজপুৰ বিশ্ববিদ্যালয়ত কোৱাৰেণ্টাইন কেন্দ্ৰ স্থাপন কৰা কাৰ্যৰ তীব্ৰ বিৰোধিতা গুৱাহাটী বিশ্ববিদ্যালয় স্নাতকোত্তৰ ছাত্ৰ সন্থাৰ । শৈক্ষিক প্ৰতিষ্ঠানত এনে কেন্দ্ৰ স্থাপন নকৰিবলৈ চৰকাৰক দাবী জনাইছে ছাত্ৰ সমাজৰ । ইতিমধ্যে এই কাৰ্যৰ বিৰোধিতা কৰিছে বিভিন্নজনে । চৰকাৰৰ এনে সিদ্ধান্তৰ বিৰোধিতা কৰি গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ সাধাৰণ সম্পাদক মুন তালুকদাৰে কয়, শিক্ষানুষ্ঠানসমূহত কোৱাৰেণ্টাইন কেন্দ্ৰ স্থাপন কৰা কাৰ্য কোনো কাৰণতে গ্ৰহণযোগ্য নহয় । কোৱাৰেণ্টাইন কেন্দ্ৰৰ বাবে ৰাজহুৱা খেলপথাৰ ব্যৱহাৰ কৰিবলৈ আহ্বান চৰকাৰক ।
উল্লেখ্য যে,পলিটেকনিকৰ বিভিন্ন শিক্ষানুষ্ঠানৰ জুন মাহৰ ভিতৰত পৰীক্ষা অনুষ্ঠিত হ'ব । ইতিমধ্যে অনলাইন পঞ্জীয়নৰ বাবে শিক্ষাৰ্থীসকলক নিৰ্দেশ দিছে মহাবিদ্যালয় কৰ্তৃপক্ষই । ৰাজ্য চৰকাৰৰ এনে সিদ্ধান্তই বিপদ মাতিছে বহু শিক্ষাৰ্থীৰ শৈক্ষিক ভৱিষ্যতলৈ । অতি কমেও দুমাহ পাঠদানৰ অন্ততহে পৰীক্ষা অনুষ্ঠিত কৰিবলৈ দাবী জনাইছে গুৱাহাটী বিশ্ববিদ্যালয় স্নাতকোত্তৰ ছাত্ৰ সন্থাৰ সাধাৰণ সম্পাদক গৰাকীয়ে ৷ কৰ’ণাৰ ভয়াৱহতাৰ বাবে শিক্ষাৰ্থীক মানসিক চাপ নিদিবলৈ আহ্বান চৰকাৰ তথা শিক্ষানুষ্ঠান কৰ্তৃপক্ষক ।
লগতে চাওকঃ Covid 19 ৰ বিৰুদ্ধে সষ্টম গোৱালপাৰাৰ স্বাস্থ্য বিভাগ
