গুৱাহাটী, 19 এপ্ৰিলঃ আগন্তুক ৰমজান মাহত সকলো ইচলাম ধৰ্মাৱলম্বী লোকক মচজিদত সমূহীয়া তাৰাবি নামাজ পঢ়াৰ পৰিৱৰ্তে ঘৰৰ ভিতৰতে থাকি পঢ়িবলৈ আহ্বান জনাইছে এ আই ইউ ডি এফ তথা অসম ৰাজ্যিক জমিয়ত উলেমাৰ সভাপতি বদৰুদ্দিন আজমলে ৷
অসম ৰাজ্যিক জমিয়ত উলেমাৰ সভাপতি ধুবুৰীৰ সাংসদ বদৰুদ্দিন আজমলে কয় যে,আগন্তুক ৰমজান মাহ হৈছে আমাৰ ইছলাম ধৰ্মাৱলম্বী সকলৰ এটি পবিত্ৰ মাহ ৷ এই মাহত আমি ৩০ দিন ৰোজা ৰাখি তাৰাবিৰ নামাজ পঢ়াৰ লগতে শান্তিৰ বাবে দোৱা কৰা হয় ৷ কিন্তু বৰ্তমান কৰ'ণা ভাইৰাছৰ বাবে মচজিদৰ পৰিৱৰ্তে ঘৰতেই নামাজ পঢ়িবলৈ সকলোকে আহ্বান জনাই সাংসদ বদৰুদ্দিন আজমলে ৷ কৰ'ণা মহামাৰী যাতে নোহোৱা হয় তাৰ বাবে পবিত্ৰ ৰমজান মাহত সমগ্ৰ পৃথিবীৰ মানুহৰ কাৰণে প্ৰাৰ্থনা কৰিবলৈ আহ্বান জনায় ৷ লগতে অসমৰ স্বাস্থ্য মন্ত্ৰী গৰাকীয়ে দিনে নিশাই ৰাইজৰ বাবে যি কষ্ট কৰিছে তাৰ বাবে শলাগ আৰু ধন্যবাদ জ্ঞাপন কৰে আজমলে ৷
