ৰাজ্যিক মৰ্যদাৰে শ্বেখ চান্দ মহম্মদৰ জানাজা সম্পন্ন

শনিবাৰে পুৱা 4 বজাত শেষ নিশ্বাস ত্যাগ কৰা অসম বিধানসভাৰ প্ৰাক্তন অধ্যক্ষ শ্বেখ চান্দ মহম্মদৰ শেষকৃত্য বিয়লি ৰাজ্যিক মৰ্যদাৰে সম্পন্ন কৰা হয় ৷

গুৱাহাটী, 11 মে’: অসম বিধানসভাৰ প্ৰাক্তন অধ্যক্ষ শ্বেখ চান্দ মহম্মদৰ শনিবাৰে দুপৰীয়া 2 বজাত ৰাজ্যিক মৰ্যদাৰে শৰণীয়া কবৰস্থানত জানাজা সম্পন্ন কৰা হয় ৷ মুখ্যমন্ত্ৰী সৰ্বানন্দ সোণোৱালৰ হৈ জানাজাত উপস্থিত থাকে অসম চৰকাৰৰ উদ্যোগ মন্ত্ৰী চন্দ্ৰমোহন পাটোৱাৰী , মুখ্যমন্ত্ৰীৰ প্ৰেছ উপদেষ্টা হৃষীকেশ গোস্বামী আৰু আইন উপদেষ্টা শান্তনু ভৰালী ৷ উল্লেখ্য যে, অসম বিধানসভাৰ প্ৰাক্তন অধ্যক্ষগৰাকী 5 মে’ৰ পৰা নেমকেয়াৰ হাস্পতালত চিকিৎসাধীন হৈ থকাৰ পাচত শনিবাৰে পুৱা চাৰি বজাত শেষ নিশ্বাস ত্যাগ কৰে ৷