গুৱাহাটী, 21 ছেপ্টেম্বৰ : 6 নং দফা কমিটীৰ প্ৰতিবেদন সন্দৰ্ভত শেহতীয়াকৈ প্ৰতিক্ৰিয়া ব্যক্ত কৰিছে উচ্চতম ন্যায়ালয়ৰ জ্যেষ্ঠ অধিবক্তা উপমন্যু হাজৰিকাই ৷ উক্ত প্ৰতিবেদনৰ ভিত্তিতে উপমন্যু হাজৰিকাই মন্ত্ৰী হিমন্ত বিশ্ব শৰ্মাই মিচা কথাৰে অসমৰ ৰাইজক বিভ্ৰান্তি সৃষ্টি কৰা বুলি উল্লেখ কৰে ৷ আনকি, ডঃ হিমন্ত বিশ্ব শৰ্মাই 6 নং দফা কমিটীৰ প্ৰতিবেদনখন অসম চৰকাৰে আইনজ্ঞৰ হতুৱাই পৰীক্ষা কৰাইহে কেন্দ্ৰীয় চৰকাৰক দাখিল কৰিব বুলি কোৱা মন্তব্যকো সমালোচনা কৰে ৷
তেওঁ পুনৰ কয় যে,দুৰ্ভাগ্যৰ বিষয় এইটো যে,হিমন্ত বিশ্ব শৰ্মাৰ এইখিনি ন্যূনতম জ্ঞানো নাই নেকি যে কমিটীখনৰ অধ্যক্ষ গুৱাহাটী উচ্চ ন্যায়ালয়লৰ এজন অৱসৰপ্ৰাপ্ত ন্যায়াধীশ বিপ্লৱ কুমাৰ শৰ্মা । সমিতিৰ এজন সদস্য অসম চৰকাৰৰ মহাধিবক্তা ডঃ ৰমেশ বৰপাত্ৰ গোহাঁই আৰু এজন সদস্য অৰুণাচল প্ৰদেশৰ মহাধিবক্তা নিলয় দত্ত । এওঁলোক আইনজ্ঞ নহয় নেকি ? এখন ৰাজ্যৰ মহাধিবক্তা এটা সাংবিধানিক পদ আৰু ৰাজ্য চৰকাৰৰ প্ৰধান আইন উপদেষ্টা আৰু অধিবক্তা । তাৰ মানে অসম চৰকাৰে নিজৰ মহাধিবক্তা জনকেই মান্যতা নিদিয়ে বুলি তেওঁ মন্তব্য প্ৰদান কৰে ।
ইফালে,প্ৰকৃতার্থত সৰ্বানন্দ সোণোৱালৰ জাতি,মাটি,ভেটিৰ চৰকাৰে এই কমিটীৰ প্ৰতিবেদনক নাকচ কৰিব বিচাৰিছে । সেইবাবেই প্ৰত্যেকটো পৰ্যায়তে অসমৰ মানুহক উদ্দেশ্যি মিথ্যাচাৰৰ আশ্ৰয় লৈছে। কমিটী গঠনৰ সময়ত ডঃ হিমন্তবিশ্ব শৰ্মাই প্ৰতিশ্ৰুতি দিছিল যে প্ৰতিবেদনৰ সকলো দফা বাস্তৱত ৰূপায়িত হ'ব ৷ কিন্তু বাস্তৱত সেয়া ৰূপায়িত নোহোৱাৰ বাবেও বিভিন্ন প্ৰশ্নৰে কঠোৰভাৱে সমালোচনা কৰে ৷
লগতে পঢ়ক : টিংখাঙত কৃষি ঋণ প্ৰদানৰ নামত HDFC বেংকৰ বৃহৎ কেলেংকাৰী!
