যোৰহাট, ২৬ নৱেম্বৰ : অসমীয়া ছবিৰ প্ৰসাৰ আৰু প্ৰচাৰৰ বাবে বাইকেৰে অসমৰ পৰা অৰুণাচললৈ যাত্ৰা আৰম্ভ কৰিছে সাংস্কৃতিক কৰ্মী সমীৰ ৰয়ে (promotional drive of Assamese film) । উক্ত যাত্ৰাকালত ইতিমধ্যে একেটা দিনতে অনুষ্ঠিত কৰিছে প্ৰায় ২৫ খনতকৈ অধিক সজাগতা সৃষ্টিৰ প্ৰচাৰ অনুষ্ঠান ।
উল্লেখ্য, অসমীয়া ছবিৰ সজাগতা আৰু সৃষ্টিমূলক প্ৰচাৰৰ কাৰণে দীর্ঘদিন ধৰি কাম কৰি আহিছে সমীৰ ৰয়ে (Samir Roy promotional rally of Assamese film) । শুকুৰবাৰেও "ৰিজাৰ্ভ বাছ অসমীয়া ছবি চাবলৈ যাওঁ আহক" শীৰ্ষক প্ৰচাৰ অভিযানৰ বাবে সমীৰ ৰয়ে যাত্ৰা কৰে মাজুলী, লখিমপুৰ, ধেমাজি আৰু অৰুণাচল প্ৰদেশলৈ (Assamese film industry) ।
এই যাত্ৰাৰ জৰিয়তে সাংস্কৃতিক কৰ্মী সমীৰ ৰয়ে জুবিন গাৰ্গ অভিনীত 'ৰাজনীতি' আৰু 'ডঃ বেজবৰুৱা'ৰ লগতে বেলকনীত ভগৱান, বন্ধু, দ্য ছেভেন ষ্টিং ,মে'ড ইন নলবাৰী আৰু ৰঘুপতিৰো প্ৰচাৰ আৰু সজাগতাৰ সৃষ্টি কৰে । আনহাতে, অভিনেতা যতীন বৰাৰ দ্বাৰা পৰিচালিত তথা বৰ্তমান শ্বুটিং চলি থকাৰ 'ৰাঘৱ'ৰো প্ৰচাৰ চলাইছে (Actor Jatin Bora) ।
বিগত কেইটামান দিন ধৰি সমীৰ ৰয়ে অসমীয়া ছবিৰ উত্তৰণ, প্ৰসাৰ, প্ৰচাৰ আৰু সজাগতা সৃষ্টিৰ বাবে কাম কৰি আহিছে । বিদ্যালয়-মহাবিদ্যালয়, গাঁও-চহৰ,পাহাৰ-ভৈয়ামৰ লগতে বহিঃৰাজ্যতো অসমীয়া ছবি উদ্যোগৰ ক্ৰমবিকাশৰ বাবে কাম কৰিৰ আহিছে সমীৰ ৰয়ে ।
উল্লেখ্য যে এসময়ত অসমীয়া ছবি উদ্যোগে বহুকেইখন বাণিজ্যিকভাৱে সফল আৰু ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত সফতা লাভ কৰা কলাত্মক ছবিৰ উপহাৰ দিছিল । কিন্তু মাজতে অসমীয়া ছবি উদ্যোগলৈ স্থবিৰতা নামি আহে । তাৰ পৰৱৰ্তী সময়ত অৱশ্যে যুৱ প্ৰজন্মৰ বহুকেইগৰাকী ছবি নিৰ্মাতা, প্ৰযোজক, পৰিচালক তথা শিল্পীয়ে অসমীয়া ছবি উদ্যোগক পুনৰুজ্জীৱিতকৰণৰ বাবে অহৰহ চেষ্টা চলাই আহিছে ।
এই সময়ছোৱাতে বহুকেইখন ব্যৱসায়িকভাৱে সফল অসমীয়া ছবি মুক্তি পাইছে । আনহাতে, কেইবাখনো ছবিয়ে ৰাষ্ট্ৰীয় তথা আন্তৰাষ্ট্ৰীয় পৰ্যায়ত বঁটা-সন্মান লাভ কৰিবলৈও সক্ষম হৈছে । তেনে পৰিপ্ৰেক্ষিতত সমীৰ ৰয়ৰ এই পদক্ষেপ নিশ্চিতভাৱে আদৰণীয় তথা সাধুবাদৰ যোগ্য ।
লগতে পঢ়ক :Digvijay Singh falls down: ভাৰত জোড়ো যাত্ৰাৰ কাৰ্যসূচীতে বাগৰি পৰিল দিগ্বিজয় সিং