গুৱাহাটী,19 চেপ্টেম্বৰ : যুৱতীক চোকা অস্ত্ৰৰে আক্ৰমণ কৰি দুৰ্বৃত্তই লুটি নিলে কেইবা লক্ষাধিক টকা । শনিবাৰে গুৱাহাটীৰ কটাহবাৰীত সংঘটিত হৈছে এই ঘটনা ৷ ঘটনা অনুসৰি, কটাহবাৰীত এছ বি আই গ্ৰাহক সেৱা কেন্দ্ৰত দুপৰীয়াৰ ভাগত অকলে আছিল প্ৰৱন্ধক ৰূপালী সিনহা ৷
সেই সময়ত তেওঁৰ সহকৰ্মী সকলে দুপৰীয়াৰ আহাৰৰ বাবে গৈছিল, সুযোগ মৰ্মেই এগৰাকী যুৱতীক চোকা অস্ত্ৰৰে আক্ৰমণ কৰি দুৰ্বৃত্তই লুটি নিয়ে কেইবা লক্ষাধিক টকা ৷
ইফালে দুৰ্বৃত্তৰ আক্ৰমণত গুৰুতৰভাৱে আঘাতপ্ৰাপ্ত হয় কেন্দ্ৰটোৰ প্ৰৱন্ধকগৰাকী । অতি সংকটজনক অৱস্থাত গুৱাহাটীৰ এক্সেল কেয়াৰ হস্পিতালত ভৰ্তি কৰোৱা হয় যুৱতীগৰাকীক । সম্প্ৰতি ঘটনা সন্দৰ্ভত গড়চুক আৰক্ষীয়ে এটা গোচৰ ৰুজু কৰি তদন্ত আগবঢ়াইছে । লগতে আৰক্ষীয়ে কেন্দ্ৰটোত সংলগ্ন চিচিটিভি কেমেৰাৰ দৃশ্য সংগ্ৰহ কৰি দুৰ্বৃত্তৰ সন্ধানত নামি পৰিছে । আৰক্ষীয়ে এই ঘটনাক ডকাইটৰ ঘটনা বুলি প্ৰকাশ কৰাৰ লগতে তদন্ত অব্যহত ৰখা বুলিও প্ৰকাশ কৰে ৷ উল্লেখ্য যে, দিন দুপৰতে সংঘটিত হোৱা এই ঘটনাই সমগ্ৰ অঞ্চলটোতেই তীব্ৰ চাঞ্চল্যৰ সৃষ্টি কৰিছে ।
লগতে পঢ়ক : আইপিএল 2020 : চেন্নাই চুপাৰ কিংছৰ বিৰুদ্ধে 'ফেভাৰেট' মুম্বাই ইণ্ডিয়ানছ
