গুৱাহাটী, ২১ জানুৱাৰী : জ্যেষ্ঠ সাংবাদিক অতিন দাসলৈ ৰাজ্য চৰকাৰে আগবঢ়াইছে ২০২১ বৰ্ষৰ গণৰাজ্য দিৱস সাংবাদিকতা বঁটা । আগন্তুক ২৬ জানুৱাৰীত গুৱাহাটীত অনুষ্ঠিত হ'বলগীয়া গণৰাজ্য দিৱসৰ কেন্দ্ৰীয় অনুষ্ঠানত প্ৰবীণ সাংবাদিক গৰাকীক প্ৰদান কৰা হ'ব এই বঁটা ।
শিলচৰৰ বাসিন্দা অতিন দাসে ১৯৬২ চনত সাংবাদিকতা আৰম্ভ কৰি পৰৱৰ্তী সময়ত ১৯৬৪ চনত শিলচৰৰ পৰা প্ৰকাশ কৰিছিল "বৰাক" নামৰ সংবাদপত্ৰখন । ইয়াৰ উপৰিও তেওঁ সংবাদসেৱা অব্যাহত ৰাখিছিল কেইবাটাও ৰাষ্ট্ৰীয় সংবাদমাধ্যমত ।
"মালাবাৰ হেৰাল্ড", "দৈনিক বসুমতি", "আনন্দবাজাৰ পত্ৰিকা"কে ধৰি কেইবাখনো ৰাষ্ট্ৰীয় সংবাদপত্ৰৰ জৰিয়তে তেওঁ সেৱা আগবঢ়াই আহিছে ।
লগতে পঢ়ক :আকৌ এবাৰ মুখথেকেচা মহন্তৰ: অভিবৰ্তনৰ অনুমতি নিদিলে চৰকাৰে
