গুৱাহাটী, 8 মে': লক্ ডাউন শিথিলৰ পিচতে পুনৰ মুকলি হ'ল মহানগৰীৰ ফুলৰ বজাৰ সমূহ ৷ ওলাই আহিছে ফুল বিক্ৰী কৰি নিজৰ পৰিয়াল পোহপাল দিয়া লোকসকল ৷ লক্ ডাউনৰ সময়চোৱাত ব্যৱসায় বন্ধ হৈ থকাৰ ফলত তীব্ৰ আৰ্থিক অনাটনৰ সন্মুখীন হোৱা ফুলৰ ব্যৱসায়ী সকলৰ মাজলৈ ঘূৰি আহিছে কিছু সকাহ ৷
ফুলৰ বিপনীসমূহ খোলাৰ পিচতে দেখিবলৈ পোৱা গৈছে গ্ৰাহকৰ ভীৰ ৷ আনহাতে ব্যৱসায়ী সকলে জানিবলৈ দিয়া অনুসৰি, লক্ ডাউনৰ বাবে বিপনী সমূহ বন্ধ কৰি দিয়াৰ ফলত পানী দিবলৈ নোপোৱাৰ বাবে, 50 শতাংশ ফুল মৰি যোৱাৰ লগতে বাকী থকা ফুলবোৰৰ অৱস্থাও ভাল নহয় ৷ উল্লখ্য যে, এই দুৰ্যোগৰ সময়ত আৰ্থিকভাৱে চৰকাৰৰ পৰা কোনো ধৰণৰ সহায় নাপালেও, বিপনী সমূহ খোলাৰ ক্ষেত্ৰত চৰকাৰে কোনো নিষেধাজ্ঞা জাৰি কৰা নাই বুলি জানিবলৈ দিলে ফুলৰ ব্যৱসায়ীসকলে ৷ ৰাতিপুৱা 10 বজাৰ পৰা বিয়লি 5 বজালৈ গ্ৰাহকৰ বাবে খোলা থাকিব ফুলৰ দোকান সমূহ ৷
লগতে পঢ়কঃ লক্ ডাউনঃ চাহ দোকানৰে জীৱিকা নিৰ্বাহ বাদ্যযন্ত্ৰীৰ
