গুৱাহাটী, 31 মাৰ্চ: আজি ৰাজ্যসভাৰ নিৰ্বাচন(Rajya Sabha Election 2022) ৷ ৰাজ্যসভাৰ দ্বিতীয়খন আসনৰ বাবে ২৮ টা ভোটৰ গেৰাণ্টি লোৱা প্ৰদেশ কংগ্ৰেছৰ সভাপতি ভূপেন বৰাই বৃহস্পতিবাৰে নিৰ্বাচন চলি থকা সময়ত ৱাৰেণ্টিৰ কথা প্ৰকাশ(APCC president on Rajya Sabha election) কৰে ।
তেওঁ কয় যে, বিৰোধীৰ ভোটকেইটাৰ সন্দৰ্ভত পুলিং এজেণ্টে বিয়লি লিখিতভাৱে জনাব । আনহাতে, বিজেপি মিত্রজোঁটৰ চাৰিটা ভোট বাতিল কৰাৰ দাবী জনাই তেওঁ কয়, এই সন্দৰ্ভত নিখিল ভাৰত কংগ্ৰেছ কমিটীৰ এটা দলে আজিয়েই নিৰ্বাচন আয়োগত অভিযোগ দাখিল কৰিব ।
ইতিমধ্যে কংগ্ৰেছৰ পুলিং এজেণ্টে ৰিটাৰ্ণিং অফিচাৰক লিখিত অভিযোগ দিছে । নিৰ্বাচন চলি থকা কক্ষত মুখ্যমন্ত্রী ড৹ হিমন্ত বিশ্ব শৰ্মাই অতপালি চলোৱা বুলিও ভূপেন বৰাই অভিযোগ উত্থাপন কৰে ।
এই সকলোবোৰৰ উপৰিও কংগ্ৰেছৰ এটাও ভোট নষ্ট হোৱা নাই বুলি দাবী কৰে অসম প্ৰদেশ কংগ্ৰেছৰ সভাপতি গৰাকীয়ে ৷ আনহাতে এআইইউডিএফ দলে তেওঁক বিজেপিৰ এজেণ্ট বুলি কৰা অভিযোগ সন্দৰ্ভত তেওঁ প্ৰতিক্ৰিয়া প্ৰকাশ কৰে ৷
লগতে চাওক: Rajya Sabha election 2022: বিজেপি মিত্রজোঁটৰ 4 বিধায়কৰ ভোট বাতিলৰ দাবী কংগ্ৰেছৰ
