গুৱাহাটী, ৩ মে': হাঁহাকাৰ পৰিস্থিতি গুৱাহাটী ৰে'ল ষ্টেচনত । ফেণী ধুমুহাৰ আগজাননীক লৈ বতৰ বিজ্ঞানে কৰা সাৱধানতাৰ প্ৰতি লক্ষ্য ৰাখি বৰ্তমানলৈকে শুকুৰবাৰে 20 খন ৰে'ল বাতিল কৰা হয় বুলি জানিবলৈ দিয়ে ৰে'ল কৰ্তৃপক্ষই ।
প্ৰতিকূল বতৰৰ বাবে বাতিল ৰে'ল সেৱা
ইয়াৰে অসমৰ পৰা বাহিৰলৈ যাব লগা 10 খন আৰু বহিঃৰাজ্যৰ পৰা অহা 10 খন ৰে'ল বাতিল হোৱাৰ ফলত হাঁহাকাৰ অৱস্থাৰ সৃষ্টি হৈছে যাত্ৰীৰ মাজত । ৰে'ল কৰ্তৃপক্ষই জানিবলৈ দিয়া মতে দক্ষিণ ভাৰতলৈ যোৱা সকলো ৰে'ল 7 তাৰিখলৈ বাতিল কৰা হৈছে বুলি জানিবলৈ দিয়ে । বৰ্তমানলৈ কলকাতা আৰু দিল্লীলৈ যোৱা বা অহা ৰে'ল সমূহ বাতিল কৰা হোৱা নাই বুলি জনায় । যদিও পৰিস্থিতি অনুকূল হৈ তেন্তে কলকাতা অথবা দিল্লী লৈ যোৱা ৰে'ল সমূহো বাতিল কৰাৰ সম্ভাৱনা আছে ।
