হিমন্ত বিশ্ব শৰ্মাৰ বিৰুদ্ধে জাঙুৰ খাই উঠিল প্ৰতিবন্ধী সুৰক্ষা সংস্থা

হিমন্ত বিশ্বৰ বিত্ত বিভাগৰ চৰম অৱহেলাৰ বাবেই এনে আঁচনিৰ পৰা বঞ্চিত হ’ব লগা হ’ল বুলি অভিযোগ তোলাৰ লগতে ৰে’ল বিভাগে অনুষ্ঠিত কৰা পৰীক্ষাতো ব্যাপক খেলি-মেলি সৃষ্টি কৰি উত্তৰ-পূৱৰ যুৱক-যুৱতীক বঞ্চিত কৰা বুলি কয় ৷

গুৱাহাটী,11 মে’ : শনিবাৰে গুৱাহাটী প্ৰেছ ক্লাৱত এক সংবাদমেল সম্বোধন কৰি বিত্তমন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ হোৱা দেখা গ’ল প্ৰতিবন্ধী সুৰক্ষা সংস্থা অসমক ৷ বিত্তমন্ত্ৰী হিমন্ত বিশ্ব শৰ্মাৰ বিভাগে প্ৰতিবন্ধী সকলক ৰামঠগন দিয়াৰ অভিযোগ তুলি প্ৰতিমাহে প্ৰতিবন্ধী সকলৰ বাবে 1000 টকাকৈ দিয়াৰ কথা ঘোষণা কৰিছিল ৷ কিন্তু এই আঁচনিয়ে বহু প্ৰতিবন্ধী ঢুকি নোপোৱাৰ অভিযোগ তোলে সংস্থাটোৱে ৷ হিমন্ত বিশ্বৰ বিত্ত বিভাগৰ চৰম অৱহেলাৰ বাবেই এনে আঁচনিৰ পৰা বঞ্চিত হ’ব লগা হ’ল বুলি অভিযোগ তোলাৰ লগতে ৰে’ল বিভাগে অনুষ্ঠিত কৰা পৰীক্ষাতো ব্যাপক খেলি-মেলি সৃষ্টি কৰি উত্তৰ-পূৱৰ যুৱক-যুৱতীক বঞ্চিত কৰা বুলি কয় ৷ উল্লেখ্য যে, বিত্ত বিভাগ চম্ভালিব নোৱাৰা হিমন্ত বিশ্ব শৰ্মাই অতিশীঘ্ৰে পদত্যাগ কৰক বুলিও দাবী তোলে সংগঠনটোৱে ৷