গুৱাহাটী,17 নৱেম্বৰ: ষট পূজা উপলক্ষে মহানগৰ জিলা প্ৰশাসনৰ কেতবোৰ নতুন নীতি নিৰ্দেশনা ৷ মঙলবাৰে এক সংবাদমেল সম্বোধন কৰি মহানগৰ জিলা উপায়ুক্ত বিশ্বজিত পেগুয়ে কয় যে ষট পূজা উপলক্ষে সকলোৱে মানিব লাগিব নিৰ্দেশনা ৷ ষট পূজাৰ বাবে প্ৰশাসনে নিৰ্ধাৰণ কৰিছে ১৪ টাকৈ স্থান ৷ নিৰ্ধাৰিত স্থানত একোটা পৰিয়ালৰ পাঁচজনতকৈ অধিক লোক সমবেত হ’ব নোৱাৰিব ৷ আয়োজক সমিতি সমূহেও আয়োজন কৰিব নোৱাৰিব কোনোধৰণৰ সাংস্কৃতিক অনুষ্ঠান,দিব নোৱাৰিব কোনো ধৰণৰ ৰভা ৷
চাহৰ দোকান অথবা অন্যান্য কোনো ফাষ্টফুডৰ দোকান দিয়াৰ লগতে ফলমূলৰ দোকানৰ ক্ষেত্ৰতো নিষেধাজ্ঞা আৰোপ কৰিছে প্ৰশাসনে ৷ সম্পূৰ্ণ ক’ভিড প্ৰট’কল মানিহে পালন কৰিব লাগিব ষট পূজা ৷ দুইৰ পৰা তিনি মিটাৰ শাৰীৰিক ব্যৱধান বজাই ৰাখি কৰিব পাৰিব পূজা ৷ নিশা দহ বজাৰ ভিতৰতেই পূজা সমাপ্ত কৰাৰ নিৰ্দেশ মহানগৰ জিলা প্ৰশাসনৰ ৷
লগতে পঢ়ক: PLANNED CITY যোৰহাটৰ কদৰ্যময় পৰিৱেশ
