গুৱাহাটী, 26 ডিচেম্বৰঃ কেন্দ্ৰীয় চৰকাৰে মটৰ শ্ৰমিক সকলৰ ভৱিষ্যৎ নিৰাপত্তা প্ৰদানৰ ক্ষেত্ৰত গ্ৰহণ কৰিছে চূড়ান্ত স্বৈৰাচাৰী নীতি । মটৰ ভেহিক'ল আইন খন সংশোধন কৰি পৰিবহন খণ্ডত কৰ্পৰেট গোষ্ঠীক গটোৱাৰ ষড়যন্ত্ৰ ৰচিছে চৰকাৰে । এই অভিযোগ অসমৰ মটৰ শ্ৰমিক সংগঠন সমূহৰ যৌথ মঞ্চৰ । বৃহস্পতিবাৰে দিছপুৰ প্ৰেছ ক্লাবত এক সংবাদমেল আয়োজন কৰি এই অভিযোগ তোলে সংগঠনটোৱে । সংবাদমেলত তেওঁলোকে কয় যে, চৰকাৰে গ্ৰহণ কৰা স্বৈৰাচাৰী সিদ্ধান্তক কোনো কাৰণতে মানি নলয় । লগতে সংবাদমেলত নাগৰিকত্ব সংশোধনী আইনখনৰো বিৰোধিতা কৰে যৌথ মঞ্চই ।
এই আইন খনৰ বিৰুদ্ধে অসমৰ লগতে বিশ্বৰ ভিন্ন প্ৰান্তত প্ৰতিবাদ হৈছে । কিন্তু চৰকাৰে আন্দোলনকাৰীৰহে ভুল বিচাৰ কৰি সমগ্ৰ ব্যৱস্থাটোক অন্য দিশলৈ লৈ যাব খুজিছে বুলি অভিযোগ তোলে সংগঠনটোৱে । সেয়েহে এই দুইখন জন বিৰোধী আইনৰ বিৰোধিতা কৰি আগন্তুক ৮ জানুৱাৰীত সৰ্বভাৰতীয় ধৰ্মঘট সমৰ্থনত অসমতো চকাবন্ধ কাৰ্যসূচী ঘোষণা কৰিছে যৌথ মঞ্চই ।
আৰু পঢ়কঃ অগণতান্ত্ৰিক পন্থাৰ আন্দোলন চৰকাৰে কোনো কাৰণত মানি নলয়!
