গুৱাহাটী, 02 জুন : মহানগৰীৰ আমবাৰীত শনিবাৰে নিশা বিধ্বংসী অগ্নিকাণ্ড সংঘটিত হয় ৷ আৰ্টফেডৰ বিপণী , জাগৰণ বিল্ডিঙৰ প্ৰথম মহলাত এই অগ্নিকাণ্ড সংঘটিত হয় ৷
অগ্নিকাণ্ডটোৰ ফলত সম্পূৰ্ণৰূপে কাৰ্যালয়টোৰ সমগ্ৰ নথি পত্ৰ জুইত জাহ যায় ৷ ইয়াৰোপৰিও অগ্নিকাণ্ডটোত জাগৰণ ব্যৱসায়িক প্ৰতিষ্ঠান খনৰ বহু লক্ষাধিক টকাৰ সামগ্ৰী জুইত ভস্মীভূত হয় ৷ প্ৰায় 10 খনতকৈ অধিক অগ্নিনিৰ্বাহক বাহিনীৰ বাহনেৰে, বহু প্ৰচেষ্টাৰ অন্তত জুই নিৰ্বাপিত কৰা হয় ৷ ইফালে অগ্নিকাণ্ডটোত কোনো লোক হতাহত হোৱা নাই বুলি জানিব পৰা গৈছে ৷ শ্বৰ্ট চাৰ্কিটৰ ফলত এই অগ্নিকাণ্ড সংঘটিত হোৱাৰ সন্দেহ প্ৰকাশ কৰে স্থানীয় লোকে ৷
আমবাৰীৰ জাগৰণত ভয়ংকৰ অগ্নিকাণ্ড
