গুৱাহাটী,24 জানুৱাৰী: অসমৰ সাহিত্য জগতৰ এক অপূৰণীয় ক্ষতি ৷ হাজাৰ হাজাৰ গুণমুগ্ধক শোক সাগৰত পেলাই চিৰ দিনৰ বাবে পৃথিৱীৰ মায়া এৰি অজান দেশলৈ গুচি গ'ল অসম সাহিত্য সভাৰ সাহিত্যচাৰ্য আৰু ভাষাচার্য সন্মানেৰে সন্মানিত হোৱা অসমীয়া ভাষা-সাহিত্যৰ মহীৰূহ, নীৰৱ সাধক, ব্যাকৰণবিদ, ধ্বনি, উচ্চাৰণগত ভাষাতত্বৰ প্ৰাজ্ঞ গৱেষক ড0 গোলক চন্দ্ৰ গোস্বামী ৷ বার্ধকজনীত কাৰণত শুকুৰবাৰে পুৱা 6.30 বজাত গীতানগৰৰ স্থিত এখন ব্যক্তিগত হাস্পিতালত 97 বছৰ বয়সত ইহলীলা ত্যাগ কৰে শান্ত-সৌম্য প্ৰাজ্ঞ, ঋষিতুল্য নিৰহংকাৰী বিৰল ব্যক্তিত্বৰ অধিকাৰী বিশিষ্ট সাহিত্যিক গৰীকয়ে ৷
সাহিত্যিক গৰাকীৰ মৃত্যুত বর্তমান অম্বিকাগিৰী নগৰস্থিত বাসভৱনত বিৰাজ কৰিছে এক শোকাকুল পৰিৱেশে ৷ শেষবাৰৰ বাবে সাহিত্যিক গৰাকীক এবাৰ চাবৰ বাবে তথা চিৰ বিদায় জনাবৰ বাবে সাহিত্যিক গৰাকীৰ বাসগৃহত ইতিমধ্যেই ভিৰ কৰিছেহি অগনণ গুণমুগ্ধই ৷
